SAM 25:3 - Cho Bible Common Language 2016

³ Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

SAM 25:3 Referans Kwoze

NG’ÄI KYAH 3:25

Bawipa cu ani ung ng’ap ciah chang päng ah khan ah nik ci.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

SAM 62:5

Kei cu Khanpughi bäng ung ka ng’yung ci, Khanpughi bäng ka ngaih u ci.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

ROMAN 8:25

Mikmi naw kä mi hmuh cu m’lung üp ne mi ngaih u ne, hnimgei nak awn mi ngäng ci.

SAM 37:34

Bawipa ung ngaih u nak ta ne, ang thum khen cu läk vä; ani naw ng’dü khaw ning pe gui ne, ning m’taam khah gui khai; changshe ak täm cu nang mi naw nami hmuk khai.

SAM 33:20

Mi ngaih u nak cu Bawipa ung om ci; Ani cu na shungvong gui ci la nam htei gui ciah kyak ci.

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

SAM 69:6

Hlüngtai ne uk ciah Bawipa, nang ung ap ci gui ah hmawk ah kei kä na ng’aa en sak ä. O Israel Khanpughi! Kei ah hmawk ah nang ning khawihnah ci gui kä thui sei sak-en gui ä.

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

SAM 35:26

Kei ah ka geinvai ah phäh ah yei gaih ci gui cu, didap ne gawgan u sä; Kei ah ni pi ciah pyen ne, ng’taam ci gui cu, lü ng’a ne, thüi sei u sä.

SAM 132:18

Ani ah ga gui cu thüi ng’aa nak awn ka küm khai, Ani ah uk nak kho cu ng’bühmang ne, bä m’cam khai.”

SAM 71:13

Kei na ng’tuk püi ciah chang gui cu shum ne di u sä. Kei tha na ne na däät ciah chang gui cu, lü ng’a ne thui hmai u sä.

SAM 31:17

Bawipa, ka ning khü ci nei; kä na lüng’a sak-en ä. Chang omshe gui cu lüng’a sak gui ä; Ngami cu sihnak ah khaw ah düm ah hteh sak gui ä.

SAM 62:1

Nak phyawn khai ah Khanpughi cu ngaih gep ne ka ngäng ci; kei cu Khanpughi bäng ung ka ng’yung ci.

SAM 6:10

Kei ah ka ga gui cu lüng’aa ne, di nak gah khai gui nei; Ngami cu ng’hlat ba u ne, ang ghit ah thei ng’aa kahi gui nei.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

SAM 119:78

Chang ah ng’shei ci gui cu kei ami na plahtam ah phäh ah thüi ng’a u sä; kei ka mät läi cu, na m’shümthein nak, ka ngaih nak khai nei.

SAM 109:3

Kei ah mawng akshe ah pyen u ne, amawng kä om ciah na ng’tuk püi ci gui nei.

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

ATÜNNAK 49:13

Zebulun cu tuinu kem pei ah om khai. Atui kem cu htinpaw gui ah ng’düm nak ah khaw ah kyak khai. Ani ah khopäng cu Sidon khaw ah khüt khai.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

SAM 22:6

Kei cu chang ah kä ka kya ci; m’kyiit ah ka kya ci, chang ah päipih, shemshai ah ka kyak ci!

SAM 31:18

Hleeihlak ci gui, chang k’awm ci gui, chang kä hmu tuk ci gui, düng ciah chang, akshe ah pyen ci gui, a düm ah om u sä.