Biblia Todo Logo
Bib sou entènèt

- Piblisite -




SAM 25:2 - Cho Bible Common Language 2016

2 Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

Gade chapit la Kopi




SAM 25:2
32 Referans Kwoze  

Cacim theing ung, “A u chang phi Bawipa yum ciah chang cu thüisei nak kä om khai,” ciah om ci.


Ngami kei ah khan ah kä näng khai gui nei, Nang naw na na yei nak cu kei naw ka hmat khai nei.


Bawipa, nang ung ka ng’yii khai ah ka lawk ci nei. Kei kä na näng-en u sä!


Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.


Ngami naw ning khü u sei, nang naw nak phyawn gui ci; Nang ning ngaih u ne, kä thüi sei ci gui.


Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.


Bawipa, na na shungvong vai ah nang ah ka lawk ci nei; Kä na di maih sak phung en ä. Nang cu düng ciah Khanpughi nei; ka taigü ci, na hun ä!


Kei naw shin ah mang gaw cu shungvong ne ka ngäng khai, cun cu kamät m’tamkhah vai ah hmawk la ka chang shäin David ung shaika tak ah hmawk ah kyak ci.”


Bawipa a i hlawk ah ani cu shui shüm ne hmat vä. Ani ung phyawn nak hmuk cicu yei kiai ci nei.


Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.


Changshe gui cu a i güt yeikyai khai gui ang? A i güt ang, Bawipa?


Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.


Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”


Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”


Bawipa naw ngami cu m’htei gui ne, gung gui ne; changshe ah kut ung phyawn gui ci, ngami cu ani ung ng’yii ci gui.


Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.


O Bawipa, ka Khanpughi, na na shungvong vai ah ka lawk ci nei; Na k’tääm nak ci gui ah chang van ah kut ung ka, na phyawn ne na hun ä,


Ngami naw, “Nang cu Bawipa ung na ng’yung ci nei,” A i ah kyasei kä a ning hun ang? Bawipa naw a ning m’hni ah a kyak ung, a i ah kyasei kä a ning m’htei ang? cik ci gui.


Ka Khanpughi, ka Khanpughi, a i ah kyasei na na nawng ang? Kei cu na na m’htei vai ah kyap ne ka ng’khü ci nei, cun ung phi a i kä dang lawk ci nei.


Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.


ani am ami m’thein vai ah a pyen nak gui cu, “Nang naw na ngaih u ah Khanpughi naw, nang cu kei ah kut ung kä na ng’kiak khai ah ning m’thein ci nei, cun ung phi acun naw kä ning phiui hnawk en sä.


Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!


O Khanpughi, kei cu na m’gein ä, kei cu na tuk ci gui nei, ka gaa gui naw angtäi sei na dukdeiu nak ci gui nei.


Cun ah kyasei Judah chang gui naw Israel gui ah khan ah näng nak gah ci gui, a i ah kyasei ci ung ngami naw ami pupa gui ah Khanpughi Bawipa ami ngaih u ah phäh ah kyak ci.


Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.


Na ngai ä! Tuhbäi na hun ä! Ka ng’yii nak awi na shung ä; ka shung nak awi na hun ä.


Kei cu angtäi sei na na tengkhen ci, ka gaa gui ah kut ung na hun ä, Ngami naw na dukdeiu nak ci gui.


Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.


Kei na dukdeiu nak ci gui ah khan ah thüisei nak law püi ä. Cun ung phi Bawipa, kei cu nak pawih na ä. Ngami cu kyihkyawk nak awn be sak gui ä, cun ung phi kei cu kä na kyihkyawk sak en ä. Ngami ah khan ah leigai law püi ne, akhui k’pii ah kyak sak gui ä.


Swiv nou:

Piblisite


Piblisite