SAM 24:7 - Cho Bible Common Language 2016

⁷ M’kawtnu gui cu m’auh vä, caupui m’kawt gui cu hmawng vä, ghangpughang mang cu lut lawk khai nei.

SAM 24:7 Referans Kwoze

ISAIAH 26:2

Mang gaw m’kawt gui hmawng vä, bekhüt ciah pakhui luh sak vä, cun ah pakhui cu düng nak bik ciah kya sä.

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

1 KORIN 2:8

Khodek khan bawi gui naw cun ah cüivai nak ah mawng cu a u naw kä hmat ci. Ngahmi naw ami hmat vai sü ung bämang ciah Bawipa cu kutlam tung ung kä ngawn khai sü gui te.

SAM 97:6

Khankho gui naw ang düng nak cu ng’shäu ci gui, changpakhui avan naw abäimang nak cu hmuk ci gui.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

1 GHANGPUGHANG GUI 8:11

dei ne ng’shü ne Bawipa ah om nak ah kyak ci, ngami cu ami bi mawng bi ba khai gui ah akyong ah kä valut ba hlawt ci gui.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

2 SAMUEL 6:17

Ngami naw Thukhän M’küm cu law püi u ne, David naw tha nak vai ah a cawh ah phung, amät ah hmun ung tha ci gui. Cun kawn ah ani naw khawihnah nak la khawtsheng-douthak nak cu Bawipa am pek ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

HAKKAI 2:9

Taigüim akthai cu ayan ak phyim ah ta ng’shü khang pi khai, acun ungka chang gui am bühmang nak la dimdeeih nak cu ka pe gui khai.” M’gäi ciah Bawipa naw pyen ci.

SAM 132:8

Bawipa, Thukhän m’küm awn Pum Im kyong ah lut law ä, Na huham m’dang ne shin ung angtäi sei om ä.

JAMES 2:1

Phäi nau gui aw, nangmi cu Bämang ciah Bawipa Jesuh Khrit cu nami yum ciah kyasei, chang ah yodäm pyam mang teng ne kä nami om ih vai nei.

1 GHANGPUGHANG GUI 8:6

Cun kawn ah Taigü gui naw Thumkhän M’küm cu Taigüim ah law püi u neta Atheingcim Pikbäih Hmun ung, Cherubim ah ka ah tha ci gui.

SAM 21:1

O Bawipa, nang naw thagui pek ci sei, ghangpughang cu yeikyai ci nei; Nang naw näng sak ci sei ani cu lünlawi ci nei.

SAM 21:5

A bämang nak cu chün ci, nang ah m’htei nak awn kyak ci; Nang naw ming thang nak la chün nak na pek ci.

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,

MIKHAH 4:8

Nang Jerusalem, Khanpughi naw, htoshäm ah mäih ah a chang gui am htei nak ah uknak khaw ah mang gaw ah na kya ba khai, cun cu nangmi ah ka ah kyak ci.