SAM 24:5 - Cho Bible Common Language 2016

⁵ Bawipa naw ngami cu hrilham pe gui ne, hun gui ci; Khanpughi naw düng ne ni sak gui ci.

SAM 24:5 Referans Kwoze

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

KALATIAN 5:5

Keimi läi cu, kami yum nak ung hlüngtai ciah Khanpughi ah Mumcha ah bi nak awn, Khanpughi ung düng nak cu gah vai ah kami ngaih u ci.

KALATIAN 3:9

Abraham naw yum ne m’shumphyuk nak gah ci; ani ah mäih ah yum ciah chang phung naw m’shumphyuk nak cu gah ci gui.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

SAM 88:1

Bawipa Khanpughi, ka Hunbawi, khaw hnüüpum kyap ne, khawmü ah na pei ah ka lawk ci nei.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

SAM 68:19

A hnüüp tä mi phuih na phuih pe gui ciah Bawipa cu m’taam vä; Ani cu na hun gui ciah Khanpughi nei.