SAM 24:4 - Cho Bible Common Language 2016

⁴ Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.

SAM 24:4 Referans Kwoze

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

SAM 73:1

Am lung theing ciah Israel gui ah khan ah Khanpughi cu akcang ah nik ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

SAM 26:6

Bawipa, kei cu ka kut m’si ne, katnak kä a om ah mawng ka m’dang ci, mang kyang veing ne ka khawihnah ci nei.

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

SAM 18:20

Bawipa naw düng nak ka bi ah hmawk ah ng’chuh na pek ci; katnak kä ka bi ah hmawk ah hriham nak’be ci.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 15:4

Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

EZEKIEL 18:6

Ani naw Israel gui ah a gup gui cu kä khawihnah khai, k’hmau ah khawih kiang ung khawihnak douthak cu kä ei khai. Ani naw Chang ah chu hta kä kat püi khai, a cha shui law yah ciah hnumi kä zaw khai.

NG'THU K'THUUK~ 20:9

A u chang naw akcang ah pyen hning khai ang? Am lung ngaih cu theingciim ci, akat nak cu ci ng’ciim ciah pyen hning khai aw?

SAM 25:1

O Bawipa nang ah, taigü ne ka ng’zoi ci nei;

JOB 9:30

A i satpia naw phi ka hma gui cu kä m’shi hning ci.

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

1 TIMOTHI 1:10

Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

EZEKIEL 18:15

Ani naw Israel gui ah a gup cu kä khawihnah ci, hmau ah khawih kiang ung khawihnah nak ami douthak phi kä ei ci. Ani naw chang hei ah chu phi kä kat püi ci

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

SAM 51:12

Na hun nak ungka lawk ciah yeikyai nak cu na be tu ba ä, ka ning läk nak vai ah na ng’yak hlü ah na pyang ä.