SAM 24:3 - Cho Bible Common Language 2016

³ Bawipa ah khomhtung ah hang kai khai cu a u ang? A pum im theing ung va lut khai cu a u ang?

SAM 24:3 Referans Kwoze

SAM 15:1

Bawipa, na pum im ung a u lut khai ang? Theing ciah nam htung Zion ung a u naw khawihnah khai ang?

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

SAM 65:4

Na ghü ah chang gui la na phung ung om khai ah na ghü ah chang gui cu yeikyai u sä. Keimi cu na im kyong ung akni gui la na pum im theing ung na hriham awn kami ng’büh ci nei.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

1 SHONTÄP NAK 15:1

David naw David mang gaw ung amät ah hmawk ah im gui co ci. Ani naw Khanpughi ah Thukhän M’küm ah phäh ah hmun phi pyang ne, a cun tha nak vai ah phung phi co ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

JOHAN 13:36

Simon Peter naw, “Bawipa, ahawi ah na hteit khai?” cine ng’shik ci. Bawipa Jesuh naw, “Kei ah ka hteh nak ah tuhbäi kä na na läk hlawt khai, a ngawi ah vah na na läk hlawt khai” cine kiak nak ci.

EZEKIEL 44:5

Cun ung Bawipa naw na pyen nak ci, “Hnicim chang, na hmuh nü la na ng’yak nü cu na geing nak vai nei. Kei naw Taigüim ah phäh ah thukhän gui la uknak mawng gui cu ka ning pe gui khai nei. Taigüim ung lutlang hning ciah chang gui la kä cun cu geing na na na m’hnüt vai nei.

EZEKIEL 44:9

“Kei, uktu Bawipa naw ka pyen ci, vun-ah nak kä bik ciah khohei chang, kei kä na ngai ciah chang, la Israel chang gui ah ng’lung ah ami om ung phi a khohei chang gui, a u phi ka Taigüim ung kä a luh vai.”