SAM 24:1 - Cho Bible Common Language 2016

¹ Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

SAM 24:1 Referans Kwoze

SAM 89:11

Khankho cu nang ah ka, khomdek cun phi nang ah khäm ah kyak ci. Nang naw m’dekhan la a cun ung om ci a päng avan cu na pyang tham ci.

1 KORIN 10:26

Cacim naw, “Khomdek la khomdek khan ung om ci ng’nü cu Khanpughi naw khäm ci” cine pyein ci.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

JOB 41:11

Acun cu ng’tuk püi neta amät phyawng ei hning ci om ne ang? Khomdek khan avan ung cun ah bi hning khai a u kä om ci nei.

THULÄÄN NAK 10:14

Bawipa naw a hlüng pi khan khaw phi khäm ci, khomdek phi ani ah kaa ah kyak ci. Cun ung om ci a päng avan ani ah kaa ah kyak ci.

PHYAWN NAK 9:29

Moses naw ani am, “Kei shin ah mang gaw ungka ka luh law vai am, kei cu ka kut shäng ne Bawipa ah ka taigü khai nei. Khaw hmumkyeek ng’düm ne gääi phi kä kya law ba khai. Cun ung nangmi naw khomdek cu Bawipa ah khäm ah kyak ciah nami hmat khai.

PHYAWN NAK 19:5

Tuhbäi kei na ngai ne, ka thukhän nami k’pan ah a kyak ung nangmi cu kei ah chang ah nami kyak khai. Khomdek avan cu kei ah kaa ah kyak ci. Cun ah kyasei nangmi cu kei ah chang gui ah nami kyak khai.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

SAM 50:12

“Kei cu ei ka cawi ung phi kä ka ning yoi khai, m’dek khan ung om ci avan cu kei ah ka ah kyak ci.

DANIEL 4:25

Nang cu hnicim chang ungka ning täm khai gui, khisa gui awn ata’ng ah nami om khai. Nang cu khokum chih ung seipat ah mäih ah khumghaw na ei khai. Kho häu ung na ip khai, khüi naw ning book shi khai. Cun kawn ah hlüngtai ciah Khanpughi naw hnicim chang ah uknak khaw avan k’pang ne, a ghü ah chang am pe hning ci, cicu nang naw na ng’kyaa khai.

SAM 98:7

Tuinu la acun ung om ciah akghing avan m’lau sä; khomdek la a cun ung om ci avan naw ng’äi m’cu sä!

1 SHONTÄP NAK 29:16

O Bawipa, kami Khanpughi, keimi naw shin ah bühmang nak avan cu nang ming Theing m’tam nak vai ah Taigüim cawh nak vai ah kami law püi ci nei, cun ung phi shin gui avan cu nang ungka lawk ci, nang ah kaa ah kyak ci.

2 SHONTÄP NAK 25:9

Amaziah naw prophet ng’shik ci, “Ngami am ka pek gui pyi ah ngui avan cu a i hawkcha kyak khai ang?” Prophet naw, “Bawipa naw acun ah däm pi khai ah ning pe ba khai nei!” cik ci.

JOB 34:13

Khanpughi naw a huham cu Chang tumat mat ung gah man ne ang? Khomdek khan ung tängpang khai ah chang naw ani tha man ne ang?

JOB 41:3

Ani naw na luat sak vai ah ning ng’paa nak khai ma? Na m’gein vai ah ning ng’coipa khai ma?

SAM 50:10

Bung ah om ciah khisa phiu kaa gui, a van la khomhtung akda ung lum ciah sei ma gui cu kei ah ka nei.

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”