SAM 23:4 - Cho Bible Common Language 2016

⁴ Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

SAM 23:4 Referans Kwoze

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 118:6

Bawipa cu kei awn om ci, kei cu kä ka kyik khai; kei ah khan ah a u naw a i bi hlawt khai ang?

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

SAM 3:6

A kit päng ung veing ne nak koi ciah ga phya khak phi kä ka kyih ci.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

SAM 44:19

Cun ung phi nang naw sa hnget ah ng’lung ah am gein ka ah na na nawng gui ci; a hmüp nak pi bäih ung phi na na nawng gui ci.

SAM 14:5

Cun ah kyasei ngami cu kyikyawk khai gui, Khanpughi naw ani ngai cicu om püi ci.

JOB 3:5

Cun ah hnüüp cu ng’ziin ne mü nu sä; Cun ah hnüüp cu ng’mei naw shung sä, khohni kä so en sä.

ZEKHARIAH 11:10

Cun kawn ah kei naw, “M’htei nak” ah ng’shopawng cu la neta, ka cheiuh ci, cun cu changpakhui avan ah khan ah Bawipa ah pek ah thumkhän phyeit nak ah kyak ci.

SAM 110:2

Bawipa naw Zion mang gaw ungka naw na uknak huham cu shawng sak khai. “Na ga gui cu uk gui ä” cik khai.

JOB 24:17

Ngami naw hnüüp ah akdei cu kyih ci gui, Cun ungphi mü hmüp cu ngami ah phäh ah kyih vai kä kya ci.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

ZEKHARIAH 11:14

Cun kawn ah Judah la Israel ah kawng ät nak, ka plawh nak ah ak hnih nak ah, “Kawng ät nak ah” ng’shopawng cu ka cheiuh ci.