SAM 22:8 - Cho Bible Common Language 2016

⁸ Ngami naw, “Nang cu Bawipa ung na ng’yung ci nei,” A i ah kyasei kä a ning hun ang? Bawipa naw a ning m’hni ah a kyak ung, a i ah kyasei kä a ning m’htei ang? cik ci gui.

SAM 22:8 Referans Kwoze

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

SAM 18:19

Kyih ng’ä nak ung na m’htei ne, na hun ci, cun cu ana yei nak hmawk ah kyak ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

NG'THU K'THUUK~ 16:3

Bi vai na pawng pui p’hung cu Bawipa naw ak phyuhtheh vai ah na ap vai, cun ung na bi nak phung ung m’khut nang nak om khai.

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

SAM 37:5

Bawipa am na pum pe ä; ani ung ng’ap ä, ani naw ning m’htei khai nei;

LUKA 23:35

Chang gui naw ng’düi ne ami dan yah ung Jew chang ng’vai gui naw, “Shin ah chang cu chang hei gui hun gui ciah, Khanpughi naw am düih ah Messiah ah a kyak ung amät naw, amät hun law shüm sä” cine päipih ci gui.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

SAM 71:11

Ngami naw, “Ani cu Khanpughi naw nawng ci nei; k’tääm ne mi pha kaw, ani gung khai a u kä om ci nei” cik ci gui.

SAM 42:10

Ngami ah shedam nak awn kei cu ka ng’deng ci nei, ngami naw pang ne na ng’shi u ne, “Na Khanpughi hawi ang?” cik ci gui.

JOB 16:4

Nang cu kei ah hnün ung om ne, kei cu nang ah hnün ung ka om vaisü ung, nangmi ah mäih ah kei phi ka ng’thu hning khai nei. Hmuhmat nak awn be ne ka lu phi ka k’thüng hning khai cun kawn ah tuinu ah mäih ah phu sei ng’thu ne ka ning hteh hning khai sü.

SAM 109:25

Chang gui naw ami na hmuh ung na gaih tuk ci gui, nakshe na ne ami lu tum ci gui.