SAM 22:30 - Cho Bible Common Language 2016

³⁰ Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

SAM 22:30 Referans Kwoze

HEBRU 2:13

Cun kawn ah Bawipa naw, “Kei cu Khanpughi ung kang ap khai nei,” cik ci, cun kawn ah, “shin ung Khanpughi ah na peit ah hta gui awn a täng ah kami om ci nei,” cine pyein ba mä ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

MATTHE 3:9

Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

SAM 102:28

Kami hta nau gui cu phyawng ne om khai gui, nang ah shung vong nak ka ah ami hta ng’shon gui cu phyawng m’hteim khai gui.

SAM 87:6

Bawipa naw chang gui k’tä ne a guk law ung, ami van cu Jerusalem mang gaw chang ah m’khäm gui khai nei.

SAM 73:15

Kei cu cun ah mäih ah ng’thu ka pyen ah akyak ung, kei cu nak chang tumat ah mäih ah phi kä ka kya hlawt khai nei.

SAM 24:6

Cun gui cu Khanpughi ah lawk ciah chang gui, Jakob ah Khanpughi ah ma ah lawk ci gui ah kyak ci.

SAM 14:5

Cun ah kyasei ngami cu kyikyawk khai gui, Khanpughi naw ani ngai cicu om püi ci.