SAM 22:23 - Cho Bible Common Language 2016

²³ “M’taam ngak vä, Bawipa ah changshäm gui aw! Chang m’sui vä, Jakob ah hta ng’shon gui aw! Khawihnah vä, Israel chang gui aw!

SAM 22:23 Referans Kwoze

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

SAM 115:11

Bawipa ung ng’ap vä, ani khawihnah ci gui phung. Ani naw ning m’htei gui ne ning shung gui ci nei.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

LUKA 2:20

Htoshäm gui cu Khankho chang ah pyein ah mäih ah hmu ng’ya u netah, Khanpughi ng’äi ne m’hlüngtai ne hteit ba ci gui.

ISAIAH 25:3

Huham mah ciah pakhui chang gui naw ning m’tam khai gui nei; m’ghämce ciah pakhui gui ah mang gaw gui ung nang cu ning kyih khai gui nei.

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

SAM 115:13

Ani kyih aa ciah chang phung cu a zaw adäm ah ciah hriham pe gui khai nei.

SAM 106:5

Na chang gui ah bä mang cu na hmuk sak ä, Na pakhui ah yeikyai nak cu na k’pai toä, cun ung nang ah shon lam ung kei ka ng’häh leh khai nei.

SAM 86:12

O Bawipa, ka Khanpughi, ka m’lung kyong avan awn ka ning m’taam khai nei. Na ng’ghawtai nak ah mawng cu angtäi sei ka ng’shäu khani nei.

SAM 33:8

Khomdek avan naw Bawipa khawihnah vä! Kho a ka ah chang avan naw m’taam khah vä!

SAM 22:30

Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

SAM 26:12

Kei cu kyihshe ci phung ka phyawn nak ci, ak chang hli ah ng’lung ah Bawipa cu ka m’taam khah ci.

SAM 35:18

Na chang gui ah ng’bum nak ung ka ning m’hlüngtai khai nei; chang van ah ma ah ka ning m’taam khai nei.

SAM 109:30

Kei naw Bawipa cu angtäi ah ka m’hlüngtai khai nei, chang gui ah ng’bum nak ung ka m’taam khai nei,

SAM 111:1

Bawipa cu m’taam nei! Ka m’lung avan awn Bawipa cu akchang gui ah ng’bum nak ung ka m’hlüngtai khai.