SAM 22:15 - Cho Bible Common Language 2016

¹⁵ Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

SAM 22:15 Referans Kwoze

JOHAN 19:28

Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

SAM 69:3

A na m’gein vai ah ng’khü ne ka cüm ci, ka dang phi ket ci nei. Ka mik awn kheing ne, na na m’htei nak cu ka shui ci nei.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

SAM 69:21

Ei ka cawi sang ung zeeih ei na m’bei ci gui, tui ka gha sang ung ng’tuui tui na tu ci gui.

SAM 38:10

Ka m’lung ng’tum ne, ka thagui maih ne, ka mik phi kä m’dei ba ci nei.

1 KORIN 15:3

Kei naw ka mät ah gah ah küikyang aih ciah a mawng cu m’dou ne ka ning pe gui ci: cun cu cacim ung om ciah mäih ah Bawi Khrih cu mikmi ah katnak ah hmawk ah a sih ah mawng;

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

MATTHE 27:50

Bawipa Jesuh cu ng’shan khai ah m’lau netah si lawk ci.

NG'THU K'THUUK~ 17:22

Yeikyai hmai kyang naw gai nak pek ci, akphlütt ah hmai m’kyum ung sih nak ng’et ci.

JOB 29:10

Aküikyang pi ah chang phi kä chiu ne om khai gui.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

NG’ÄI KYAH 4:4

Ngami naw ami hta gui cu ei ah cawi ne tui ah gha ne sik khai gui ah cik ci gui. A hmaw hta gui cu ng’pa u ne ei ng’yoi ci gui. Cun ung phi a u naw kä pe gui ci.

SAM 30:9

“Kei ka sih ung a i na gah khai? Kei ng’cim hmun ah ka gawk ung, a i k’pawih khai ang? Aksi gui naw nang ning m’taam khai gui ang? Kä di hlawt ciah nang ah ni nak cu shäü hlawt khai gui ang?

JOB 34:15

ak ghing nü cu sih ne m’vut ah ng’lat ba khai.

JOB 10:9

M’dek awn na na pyan cu shüm ba ä; m’dek ah na na cigep law ba khai ang?

ATÜNNAK 18:27

Abraham naw, “Bawipa, kei cu m’dek khui la m’vut ah ka kyak ci. Nang ngawn kä ka khinkha ung phi, na m’gein ne ka ng’thu na ngaih pe ä.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

JOB 7:21

Kei ah katnak cu kä na na m’geinsei hning ne ma? Kei naw hma ciah ka bi gui cu kä na na m’geinsei hning ne ma? Kä shou pha sei kei cu ng’phuh hmun ung ka hteit lawk khai, ka htait pyi khai nei.

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

JOB 19:20

Kei ah ka vun la ka m’ci cu ka guh ung kawp yawp ci nei. Kei ung ka ghin nak hta bäng nei om ba ci.

JOB 30:16

Tuhbäi kei cu ka si lawk khai kyak ci nei. Kei ah ka yaica nak cu kä hüiyang ci nei.