SAM 22:11 - Cho Bible Common Language 2016

¹¹ Kei awn kä ng’shawng-en phung ä! Zaica nak naw na k’et ci, kei na m’hei khai ah a u kä om ci nei.

SAM 22:11 Referans Kwoze

SAM 71:12

O Khanpughi, kei awn kä ng’shawng en ä; ka Khanpughi, law hlah ne na m’htei law ä!

SAM 72:12

Ani khü ciah dukhaih ci gui, cawigha ci gui la khüikha ci gui cu gung gui ci.

SAM 10:1

A i ah kiyasei na ng’shawng aih ang, Bawipa? Keimi kami khüikha sangung a i ah kyasei na mät na ng’thuh ang?

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

JOHAN 16:32

Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.

SAM 38:21

O Bawipa, kä na nawng en ä, ka Khanpughi kei awn kä ng’shawng en ä!

SAM 35:22

Cun ung phi Bawipa nang naw avan na hmuk ci nei, ka omdüt ten a, kä na hteh en ta ä!

ISAIAH 63:5

Kei na bawm khai tumat phi kä om sei, teng ne hmu neta, kei cu ka cäi ci. Cun ung phi kei ah m’lungshe nak naw khüighat nak na pe sei, kei ka mät naw näng nak ka gah ci.

SAM 69:18

Kei ah law ne na hun law ä; ka gaa ah kut ung na gung ä.

2 GHANGPUGHANG GUI 14:26

Israel gui kyihkyawk vai ah ami yaica cu Bawipa naw hmuh gui ci; a u phi ngami m’htei gui khai kä om ci.

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

MATTHE 26:74

Peter naw, “Kei naw cun ah chang cu kä ka hmat ci nei, ka hleei ka pyein ung Khanpughi naw na hmu sä,” cine pyein ne ma ba mä ci.

MATTHE 26:72

Peter naw, “Cun ah chang kä ka hmat ci nei,” cine ng’cim ne pyein ne ma ba mä ci.

SAM 71:6

Kei ka ghin nak chuih nang ung ka om ci; kei ka ng’tüi law ge ung nang naw na na shungvong ci, angtäi sei ka ning m’taam khai.