SAM 21:9 - Cho Bible Common Language 2016

⁹ Ang dang law hnüüp ung ani naw mei cang ah mäih ah kya ne m’di gui khai. Bawipa naw am lungshe nak awn m’zaw gui sei, mei naw phi kiawm shi gui khai.

SAM 21:9 Referans Kwoze

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

SAM 18:8

A hna ung mei khu thawk ne, a shai ung mei m’lei tawt ne, mei cak ng’ling ci.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

NG’ÄI KYAH 2:2

Bawipa naw Judah khaw ah pigaw päng cu amgein kaa ah m’di gui ci.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

SAM 2:5

Ani naw m’lung she ne khän gui ne, m’gäi ne kyihkyawk sak gui ci.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

THU PHLAAN 20:14

Cun kawn ah sihnak la sihnak ah khaw avan cu meidäi ung yuk shum ci gui. (Cun ah meidäi cu akhnih vei nak sihnak ah kyak ci.)

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

MATTHE 13:50

Caang ne ng’ai ciah mei ung htawm khai gui. Cun gui cu kyap ne m’lau ne ami ha htui ne geinvai khai gui.

MATTHE 13:42

Caang ne ng’ai ciah mei ung k’htawm gui khai. Cun ah chang gui cu kyap ne m’lau ne, ami ha htui ne gein vai khai gui.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

SAM 106:17

Cun kawn ah khomdek cu aang ne, Dathan cu m’zaw ne, Abiram la akyong ungka gui cu lin gui ci,

JOB 6:3

Tuinu ung laigin gui ah ta gih pi khai nei, Cun ah kiasei kei ah ng’thu m’ghä gui naw kä ning cäicat sak khai nei.

ATÜNNAK 19:28

Ani naw dan neta, Sodom la Komorrah la khaw ng’nawi avan ung meikhu bäng ah ng’lawi ne khu sei hmuk ci.

EZRA 6:12

Ani khawihnah nak vai ah hmun ah Jerusalem mang gaw ghü ciah Khanpughi naw a u ghangpughang phi a u pakhui phi, shin ah thumkhän hnungtuk ne Taigüim m’di vai ah tha nak ci phung cu, gawt sä. Kei, Darius naw shin ah thukbäi ka pek ci nei. Shin cu akbe ah nami läk vai nei” ciah kyak ci.

SAM 18:38

Kei naw ngami cu ka geih gui ci, ngami kä tho ba hlawt ci gui; ngami cu ka kho ka ah ng’zän ci gui.