Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.
Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.
Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.
Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.
O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.
Ka htangshon gui hriham na pek vai ah kei naw ka k’thäh ci nei, cun ung ngami cu nang ah m’tam nak ung yei lä khai gui. Nang, Bawipa naw hriham na pe gui ci, nang ah hriham cu ngami ah khan ah khonglän ung om khai.”
Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.
Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.