SAM 21:5 - Cho Bible Common Language 2016

⁵ A bämang nak cu chün ci, nang ah m’htei nak awn kyak ci; Nang naw ming thang nak la chün nak na pek ci.

SAM 21:5 Referans Kwoze

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

JOHAN 17:22

Nang la kei cu ni kawng ät ah mäih ah ngami phi ami kawng ät vai ah, nang naw kei-am na na peit ah bämang nak cu ka pe gui pyi ci.

JOHAN 17:5

Kapa! Khomdek kä ang tüi pha ung nang awn a täng ah ka gah ah bämang nak cu, tuhbäi kei-am na yuk pe lawä.

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

SAM 96:6

Bäimang nak la hlüngtai nak naw ani cu k’oi ci; huham la kyom nak naw a Pum im cu k’be ci.

SAM 62:7

Kei ana hun nak la ka m’taam nak cu Khanpughi ung ng’yung ci; Ani cu m’gäi ciah ka ng’yii bawi, Ani cu ka ng’yii nak ah kyak ci.

SAM 8:5

Nang naw chang cu Khanpughi ah mä api hta ng’neim ba khai ah na tüi ci; hlüngtai nak la m’taam khah nak cu na k’bün ci.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

1 SHONTÄP NAK 17:27

Ka htangshon gui hriham na pek vai ah kei naw ka k’thäh ci nei, cun ung ngami cu nang ah m’tam nak ung yei lä khai gui. Nang, Bawipa naw hriham na pe gui ci, nang ah hriham cu ngami ah khan ah khonglän ung om khai.”

2 SAMUEL 7:19

Cun ung phi uktu Bawipa, tuhbäi phi nang naw na bi lä ci nei; lawk ciah kho kum gui ung kei ah hta ng’shon vai gui cu nang naw shaitak na bi pyi ci nei. Cun cu nang naw chang am na hmuh sak ci nei, uktu Bawipa!

1 GHANGPUGHANG GUI 3:14

Kei na ng’ngai ne ka thukhän gui la ka thumkhän gui cu na pa David ah mäih ah na k’pan ah a kyak ung kei naw ghin nak ang sau ka ning pek khai.”

SAM 61:7

O Khanpughi, nang ah ma ung ani naw uk lä sä; Na m’hni nak la na bekhüt nak awn shungvong ä.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.