SAM 21:3 - Cho Bible Common Language 2016

³ Nang naw küikyang ciah hriham law püi ne, ghui lukhu phi alu ung na k’bün ci.

SAM 21:3 Referans Kwoze

2 SAMUEL 12:30

Ammonit gui ah khanpughi Molech ah a gup ah alu ungka, ghui lukhu cu David naw lak ci, cun cu ghui pit gha lawk ci, pyülung phi akyong ah om ci. David naw pyülung cu la ne amät ah lukhu kyong ah tha ci. Ani naw mang gaw ung ami guh gui ah khawh ak chün phi lak ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

SAM 59:10

Ka Khanpughi naw na m’hni ne, kei ah gawk lawk khai nei; ka gaa gui ami di cu, ani naw na hmuh sak khai nei.

SAM 31:19

Nang ning m’taam ci gui-am na gim pek gui cu, cäicat vai ah na ni, nang ung ng’ap ci gui, a i hlawk ah na shungvong gui cu, chang avan naw hmat ci gui nei.

1 SHONTÄP NAK 20:2

Ammonit gui ah a gup Molek ung kilokram thumkip lei phli gih ciah ghui lukhu om ci. Acun ah kyong ah pyülung om ci, cun cu David naw la ne amät ah lukhu ung tha ci. Ani naw cun ah mang gaw ungka ami guttep ah khawh akda phi hteh püi ci.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

ROMAN 11:35

Bawipa naw a thung sah ba vai ah a u naw ani-am k’pu m’hnih khai ang! ciah om ciah mäih ah kyak ci.

THU PHLAAN 19:12

Amik cu meidäi ah pying ne, alu ung lukhu akda ng’büng ci. Amät kawn ah a u naw kä a hmat ah ang ming cu ani ah khan ah ng’guk ci.

SAM 18:18

Kei cu ka khüikha yah ung, ngami naw na ng’tuk püi ci gui, cun ung phi Bawipa naw na shung vong ci.

JOB 41:11

Acun cu ng’tuk püi neta amät phyawng ei hning ci om ne ang? Khomdek khan avan ung cun ah bi hning khai a u kä om ci nei.

2 SHONTÄP NAK 6:41

Bawipa Khanpughi, tuhbäi ng’düi law ä, na huham ah kyak ciah Thukhän M’küm awn Taigüim ung lut ne, shin ung khonglän ung om ä. Na taigü gui ah ami bi avan cu hriham pe gui ä. Ngami ah khan ah nang ah na bä nak ah phäh ah na chang gui avan cu yeikyai khai gui nei.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.

2 SAMUEL 2:4

Cun kawn ah Judah chang gui cu Hebron ah law u ne David cu Judah ghangpughang ah hmoh ci gui. David naw Kilead ung Jebesh chang gui naw Saul ami htüm cu ng’ya neta,

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

SAM 20:5

Nang ah na näng ah hmawk ah keimi yei ne kami m’lau khai, mi Khanpughi m’hlüngtai ne, na m’khütnäng nak kami pawi khai. Na ng’zoih phung cu Bawipa naw ning pe sä.