SAM 21:13 - Cho Bible Common Language 2016

¹³ Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.

SAM 21:13 Referans Kwoze

MATTHE 6:10

Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

SAM 113:5

Mi Khanpughi, Bawipa ah mäih ah a u kä om ci. Ani cu a hlüngtai gui ah khan ah om ci,

SAM 57:5

O Khanpughi, na dämduh nak cu khomik ung m’dang ä, na bäimang nak cu m’dek khan avan ung be sä.

THU PHLAAN 11:17

“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

SAM 57:11

O Khanpughi, na dämduh nak khomik ung m’dang ä, Na bäimang nak m’dek khan ung be sä.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

SAM 18:46

Bawipa cu ghing ne om ci kyasei, kei ah ka ng’shung nak cu hlüngtai sä! Na hun ciah Khanpughi ah bämang nak cu ng’shäu vä.

JOB 9:19

Ling ne ka k’tha nak khin naw? Khanpughi ah khan ah? Taga yung ah ka ng’khah pui khin naw? A u naw ani cu yung ah ceh sak hning khai aw?

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.