SAM 21:1 - Cho Bible Common Language 2016

¹ O Bawipa, nang naw thagui pek ci sei, ghangpughang cu yeikyai ci nei; Nang naw näng sak ci sei ani cu lünlawi ci nei.

SAM 21:1 Referans Kwoze

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

SAM 62:7

Kei ana hun nak la ka m’taam nak cu Khanpughi ung ng’yung ci; Ani cu m’gäi ciah ka ng’yii bawi, Ani cu ka ng’yii nak ah kyak ci.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

SAM 99:4

M’gäi ciah ghangpughang, nang naw düng nak la nikiom nak cu na law püi ci.

SAM 95:1

Law vä, Bawipa mi m’taam khai! Mi yii ah Khanpughi ah yei ne ng’äi mi m’cu khai!

SAM 71:17

Ka hmaw sang ung tün ne angtäi sei na na m’htei ci, cäicat vai ah na hnün thawh ah mawng cu ka pyen lä ci nei.

SAM 63:11

Khanpughi ah a pek ah näng nak awn ghangpughang cu yeikyai khai. Khanpughi ah aming ung shaitak ci phung naw m’taam ngak khai, cun ung phi hleei ciah m’gawng cu khai pek khai.

SAM 20:9

O Bawipa, ghangpughang cu näng nak pe ä; Kami ng’khü cu na m’shang gui ä.