SAM 20:8 - Cho Bible Common Language 2016

⁸ Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.

SAM 20:8 Referans Kwoze

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

JOSHUA 11:4

Ngami cu ami gakap avan ci awn lawk ci gui, gakap gui cu tuikem ah laigin chü ah da ci gui. Ngami ung sela gui la yatha gui phi akda om ci.

1 SAMUEL 17:45

David naw, “Nang naw kei na na ng’tuk püi khai ah khim ni, k’htei ni, htei pawng ci kawt ne na lawk ci, cun ung phi kei naw nang ka ning tuk püi khai ah, nang naw na ghet taap ah, Israel gakap gui ah Khanpughi, hlüngtai ciah Bawipa ah ming awn ka lawk ci nei.

2 GHANGPUGHANG GUI 19:23

Nang naw na shächang kei ah tüi law ne, na yatha gui avan awn Lebanon khomhtung gui ak hlüngpi gui na khäm ah mawng awn kei na na khäghah nak ci. Nang naw ang shäi pi ah bungpuk ah gawk vai ah na hteh nak awn na khäghah ci.

2 SHONTÄP NAK 14:10

Asa naw ani tuk khai ah lut law sei, ngami naw Mareshah ah pei, Zephahtah khaw ng’nawi vang ah vei ung om ne tuk ci gui.

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

EZRA 8:22

Lam mi hteh sangung ga nü ung na shungvong gui khai ah ng’se cun gakap gui, ghangpughang ah k’thäh vai ah kei ka lü ng’aa ci nei. A i ah kyasei ci ung, ani yi hnei ci phung cu, kami Khanpughi naw phyuhtheh ci nei. Cun ung phi ani ng’hlah tak ci läi cu, thüi na ne m’kyuk ci nei, cine ani am ka m’thein pyi nei.

SAM 33:16

Ghangpughang naw huhamah ciah gamaw awn näng nak kä gah ci, Bawi gaakap naw ghat ciah k’thagui awn m’khüt nak kä hmuk ci.

SAM 33:17

Ng’tuk nak ah ng’se gui ung näng nak kä om ci, Bä ciah ami thagui naw kä hun gui hlawt ci.

SAM 124:8

Mikmi na m’htei gui ci cu, khankho la khomdek tüi pyang ciah Bawipa ung ka lawk ci.

NG'THU K'THUUK~ 21:31

Nangmi naw ng’tuk bi nak vai ng’se nami gah ge khai, cun ung phi näng nak pek cicu Bawipa ah kyak ci.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.