SAM 20:6 - Cho Bible Common Language 2016

⁶ A ghü ah ghangpughang am Bawipa naw näng nak a pek cu tuhbäi kei naw ka hmat ci nei; Ak khankho theing ah om ne, ani cu m’shang ne, a huham awn näng nak küi cu pek ci nei.

SAM 20:6 Referans Kwoze

SAM 28:8

Bawipa naw ak chang gui cu k’tha pe gui ne; a ghü ah ghangpughang cu khüighat sak ne hun ci.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

SAM 18:50

Khanpughi naw küikyang ciah näng nak cu a ghangpughang am pek ci; Ani naw a ghü ah chang, David la a hta ng’shon am ng’täi ciah am hni nak cu angtäi ah m’dang ci.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

ISAIAH 58:9

Nami k’taigü ung ka ning m’shang gui khai, nami na khü ung ka äi khai. “Zawhnem nak, tawk ne shedam nak lo thu she gui cu.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 41:11

Ngami kei ah khan ah kä näng khai gui nei, Nang naw na na yei nak cu kei naw ka hmat khai nei.

SAM 18:35

O Bawipa, na shungvong ne, na na hun ci; Na k’pat kut naw na bä khäk sak ne, Na huham nak naw na phyawn gai sak ci.

SAM 17:7

Cäicat vai ah na m’hni nak cu m’dang ne, na hun ä; Nang ning yii ne ka gaa gui ungka, ka phyawng ci nei.

1 GHANGPUGHANG GUI 8:43

ani ah taigü cu ngaih pe ä. Khankho ah a hawn ung na om ung phi ng’yak peä, na bi pek vai ah a ning thäh phi bi peä, cun ung khaw ah khan ung om ciah a ning thäh phi bi peä, cun ung khaw ah khan ung om ciah chang van naw, na chang Israel gui ah mäih ah, ning hmat khai gui, na ng’thu phi ngai khai gui nei. Cun kawn ah nang ning khawihnah nak vai ah hmun ah kyak khai ah shin ah Taigüim kei naw ka cawh cun phi hmat khai gui nei.

1 GHANGPUGHANG GUI 8:30

Ka taigü na ngaih peä, na chang gui naw shin ah hmun täng ah mang ne ami taigü ung ngai gui ä, na m’geinsei gui ä.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

SAM 9:15

Chang khuihei gui cu thai co u ne, a cun ung ng’kyak ci gui nei, Ami mät ah cun ung ami mät awk ci gui nei.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.