SAM 20:5 - Cho Bible Common Language 2016

⁵ Nang ah na näng ah hmawk ah keimi yei ne kami m’lau khai, mi Khanpughi m’hlüngtai ne, na m’khütnäng nak kami pawi khai. Na ng’zoih phung cu Bawipa naw ning pe sä.

SAM 20:5 Referans Kwoze

PHYAWN NAK 17:15

Moses naw kiaang co neta, “Jehovahnisi, Bawipa cu kei ah Näng nak nei” cine a ming sui ci.

SAM 60:4

Nang ning chang m’sui ci gui cu nang naw m’cäi gui ci sei, Ngami cu didap nak ung phyawng ci gui nei.

1 SAMUEL 1:17

Eli naw, “Dimdeeih nak awn hteit ä, nang naw na k’thäh cu Israel Khanpughi naw ning pe sä,” cine m’shang ci.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

LUKA 1:47

Khanpughi Hunbawi hmawk ah ka mümcha yeikyai ci,

SAM 118:15

Khanpughi ah chang gui a phung ah kyong ah, Näng nak awn yei ne m’lau ah k’aw cu ngai vä, “Bawipa ah m’gäi ciah huham naw bi pyi ci nei!

SAM 35:9

Cun kawn ah Bawipa ah hmawk ah ka yei khai nei; Ana hun ah hmawk ah ka yei kiai khai nei.

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

HABAKKUK 3:18

Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

SAM 19:4

Ngami ah thushäu cu kho ah ka avan ung hteit ci, m’dek ah khan avan ung ng’yak nei. Khanpughi naw khankho mik ung khohni ah im pyang ci;

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

SAM 21:1

O Bawipa, nang naw thagui pek ci sei, ghangpughang cu yeikyai ci nei; Nang naw näng sak ci sei ani cu lünlawi ci nei.

1 SAMUEL 17:45

David naw, “Nang naw kei na na ng’tuk püi khai ah khim ni, k’htei ni, htei pawng ci kawt ne na lawk ci, cun ung phi kei naw nang ka ning tuk püi khai ah, nang naw na ghet taap ah, Israel gakap gui ah Khanpughi, hlüngtai ciah Bawipa ah ming awn ka lawk ci nei.

SAM 21:3

Nang naw küikyang ciah hriham law püi ne, ghui lukhu phi alu ung na k’bün ci.