SAM 2:2 - Cho Bible Common Language 2016

² Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

SAM 2:2 Referans Kwoze

MATTHE 26:59

Taigüpa gui la kawngsi ng’vai gui naw Bawipa Jesuh ngawn nak hning vai ah käng düng ciah saksi cu shui ci gui.

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

SAM 74:23

Na ga gui ah ng’hawh ng’shaak cu kä m’hni en ä, Ning ng’vok püi ci gui ah k’aw cu pam cai lä ci nei.

SAM 48:4

Ghangpughang gui cu ng’bum u ne, Zion m’htung cu tuk vai ah lawk ci gui.

SAM 2:10

Nangmi ghangpughang gui cuivai vä, Khomdek uk ci gui shin ah thu cu geing na vä.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

SAM 89:20

Kei naw ka changshäm David cu ghangpughang ah hmoh ne, ng’cim ciah situi awn ka phyuh theh ci.

SAM 74:18

Cun ung phi Bawipa, na ga gui naw ning gaih m’gin u ne, changshe gui naw ami ning päipih cu shüm ba ä.

PHYAWN NAK 16:7

Khaw ngawi hta ung pying ne ng’shü ciah Bawipa ah akdei cu nami hmuk khai nei. Ani hnungtuk püi ne ng’thu nami m’da cu ani naw ng’yak ci nei ä, nami hnungtuk püi ci, a i ah kyasei ci ung, keimi cu ani ah m’shüm thein nak kami phui ciah kami kyak ci” cik ci.

HEBRU 1:9

Nang naw akcang cu m’hni ne, cheishoh cicu na thüi nak ci nei. Cun ah kyasei Khanpughi, na Khanpughi naw, nang cu ning ghü ne, Na paw gui ah tah küikyang pi khai ah, ning m’tamkhah ne, yeikyai nak cu ning pek ci”, cik ci.

JOHAN 15:23

Kei na gen ci naw Kapa phi gen ci.

LUKA 13:31

Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 110:5

Bawipa cu nak pat lam ah om ci; ani am lungk’she law ung ghangpughang gui cu hnim gui khai.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

MATTHE 26:3

Cun yah ung taigüpa gui la chang vai gui cu taigütung Kaiaphas ah mang im ah ng’bum ci gui.

SAM 48:5

Cun ung phi ngami naw hmu law u neta, cäi u ne, kyi u ne dawng ci gui.

SAM 83:6

Edom chang gui, Ishmaelit gui; Moab chang gui la Hagrits gui;