SAM 19:9 - Cho Bible Common Language 2016

⁹ Bawipa kyih aa cu nik ci, kho ng’län ung ng’täi ci. Bawipa ah ng’thumcha cu taga ci; angtäi sei vang ci.

SAM 19:9 Referans Kwoze

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

SAM 119:142

Na düng nak cu kä ng’pyi hlawt khai, na thukhän cu ak phlüt ah cang khai.

SAM 119:1

Yeikyai nak om ci gui cu a ghing nak ung cheishoh nak kä om sei, Bawipa ah thukhän ung ghing ci gui ah kyak ci.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

SAM 115:13

Ani kyih aa ciah chang phung cu a zaw adäm ah ciah hriham pe gui khai nei.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

THULÄÄN NAK 4:8

A u ni pakhui, a i hlawk ah dämduh ci ung phi, tuhngawi kei naw ka ning m’thein gui ah mäih ah taga ciah thukhän gui cu kä om ci.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 16:7

Cun kawn ah sonkiaang ungka lut lawk ciah k’aw naw, “A hlüngtai säih Bawipa, Khanpughi! Nang ah m’khoichaa nak cu ak cang ah ng’düng ne chün ci nei” cine a pyein cu ka ng’ya ba ci.

ROMAN 2:2

Cun ah mäih ah bik ciah chang Khanpughi naw am kat cu, ng’düng ciah mi hmat ci nei.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

SAM 119:7

Ng’düng ciah na ng’thumcha nak cu, kei naw ng’thei neta, ng’ciim ciah m’lung awn ka ning m’taam khai nei.

SAM 36:6

Na düng nak cu m’htung küi ah mäih ah ng’tai ne, na taga nak cu tuinu ah mäih ah thuk ci nei. Chang la ak ghing avan cu nang naw na m’hteihtang ci nei.

SAM 36:1

Shetkat nak cu changshe ung thu pyen ne, am lung ung htek ci. Ani naw Khanpughi hnu ng’tuk püi ne kä kyih aa ci.

SAM 10:5

Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

PHYAWN NAK 21:1

Israel gui am shin ah thukhän gui cu pe ä:

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

ROMAN 11:22

Shin ung Khanpughi cu a i hlawk ah chang m’gein ci la, a i hlawk ah nget ngawng ciah mi hmuk ci. Khanpughi naw katnak bik ciah chang gui cu ak nuipai ah m’khom chaa gui ci. Cun ung phi nang mi cu a ning m’gein gui khin vai ah nami om ah a kyak ung, Khanpughi naw ning m’gein gui khenggeng ci; cun ah kä nami om ah a kyak ung nang mi cun phi chu pit ne ning ghawt gui khai.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

SAM 147:19

Ani naw ak chang gui am ang thu m’khäh gui ne, Am shüm thein nak la a thukhän cu Israel gui am pe gui ci.

SAM 119:75

Bawipa, na m’khoi cha nak ng’düng ciah ka hmat ci nei, Nang cu na bekhüt ci kya ne kei cu na na m’kyuk ci nei.

SAM 119:62

Ng’düng ciah na ng’thumcha ah hmawk ah ning m’taam vai ah kei cu kho cawih ding ah ka tho lawk ci nei.

SAM 119:39

Kei naw ka kyih ah shedam nak ung na hun ä; Na m’khoi m’cha nak cu cäi aih vai kyak ci nei!

SAM 12:7

O Bawipa, nang naw phyawn vai ah na shungvong gui ä, Cun ah chang gui ung na shung gui ä.

SAM 119:111

Na thumkhän gui cu ng’täi ciah ka khawh cham ah kyak ci; cun gui cu ka m’lung kyong ah yei nak ah kyak ci.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”