SAM 19:8 - Cho Bible Common Language 2016

⁸ Bawipa ah thumkhän gui cu düng ci, läk ciah chang cu yeikyai sak ci. Bawipa ah thumkhän taga ci, m’lung kyong ung lung’lang nak pek ci.

SAM 19:8 Referans Kwoze

SAM 12:6

Bawipa ah a shaitak cu a ng’ciim ah kyak ci; Cun cu mei hungling ung chih vei shong ne ami m’cin ah ngui ng’siing ah mäih ah kyak ci.

SAM 119:105

Na thu cu na shü ciah mei im ah kya ne, ka lam ung akdei ah kyak ci.

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

NG'THU K'THUUK~ 30:5

Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

SAM 119:128

Cun ah kyasei, kei naw na m’shüm thein avan cu ka läk ci; akshe lam avan cu ka thüi nak ci.

NG'THU K'THUUK~ 2:6

Bawipa naw cüivai nak cu pek ci, hmuhmat nak la langkha nak cu ani ungka lawk ci.

SAM 119:92

Na thukhän cu ka yei kyai nak ah a phung ah kä a kyak vai sü ung, kei cu ka geinvai nak gui awn ka sik khai sü te nei.

SAM 119:80

Na thumkhän küm khai ah ka läk nak vai ah thu ng’a ne di nak ung na pyang m’tham ä.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

ROMAN 7:22

Khanpughi ah thukhän cu kei ah m’lung kyong naw yeikyai ne dou ci.

KALATIAN 2:19

Thukhän naw kei cu na sih sak ciah kyasei, thukhän ah mawng ung kei cu chang k’si ah ka kyak ci. Cun ung kei cu Khanpughi awn atäng ah sih nak ka gah pyi ci:

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

SAM 119:16

Kei naw na thukhän ung yei nak ka gah ci; Na thumkhän gui cu kä ka m’hnih khai.

SAM 119:14

Bä m’cam vai ah mä nang ah thumkhän gui läk vai cu kei naw ka yum hni pi ci nei.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

SAM 119:171

Kei naw angtäi sei ka ning m’tam khai, nang naw na thukhän gui cu na na m’thei ci.

SAM 119:143

Kei cu geinvai khüikha nak awn ka be ung phi, Na thumkhän naw na yei kiai sak ci.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

SAM 119:121

Ng’düng nak la ni nak cu ka bi pyi ci nei; ga gui ah kut ung kä na nawng en ä!

SAM 119:40

Na thumkhän gui cu ka läk hlük ci nei; Ghin nak akthai na pe ä, nang cu na ng’düng ci nei.

SAM 119:12

O Bawipa, ka ning m’tam ci nei; Na lam gui cu na m’thei ä.

SAM 105:45

Cun ah kyasei a chang gui naw ang thumkhän cu ngai u ne, ang thumkhän avan cu ami läk vai ah kyak ci. Haleluyah. Bawipa cu m’taam vä.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

SAM 13:3

O Bawipa ka Khanpughi, na teng ä, na m’shang ä. Ka tha gui na be ba sak ä, kä na sih en sak ä.

PHYAWN NAK 18:16

Chang hnih goi naw ani ng’cuh a om law ah a kyak ung, kei ah lawk ci goi. Kei naw a u hman ciah ng’thumcha neta, Khanpughi ah thumkhän la thukhän cu ka m’thein gui ci” cik ci.

ATÜNNAK 26:5

Abraham cu ka pyen ah om ne ka ng’thukhän shaitak läk ciah kyasei, nang cu hriham ka ning pek khai.

KALATIAN 3:21

Cun ung thukhän la Khanpughi ah shaitaak cu hnu ng’tuk ni ne ang? Kä hnu ng’tuk ci goi nei! Chang ah hta naw ghin nak ah thukhän ami gah vai sü ung, acun läk nak awn chang phung cu Khanpughi ung düng nak gah khai sü te.

ISAIAH 64:5

Hman ci bi neta yeikyai ciah chang gui, a i hawkcha ah ngami ami ghin vai ah na ng’yak hlü cu shüm ba ciah chang gui cu nang keimi ah khan ah na m’lung she ci, cun ung phi keimi cu kami hma lä ci nei; nang cu dämduh ciah m’lungshe ci sei phi eimi cu kami cheishoh lä ci nei, cau tün ne a cun ah kami kyak ci nei.

SAM 119:54

M’dek khan ung ashäng ka ghing sang ung Na thumkhän ah mawng ng’äi ka pyang ci.

SAM 119:24

Nang ah m’shüm thein nak gui naw yeikyai nak na pek ci; Ngami naw na tängpang püi ci gui.

NEHEMIAH 9:13

Sinai m’htung ung khankho ah ka kyum law ne; Na chang gui cu na ng’thu püi gui ci thukhän akni la m’theithang nak akbä cu na pe gui ci.

NEHEMIAH 8:12

Chang gui ami van ami im ah hteit ba u ne yeikyai ne ei awk ci gui, chang hei gui phi teipai tu ci gui, a i ah kyasei ci ung ngami ah ma ah ami phat cu ngami naw ami hmat pyi ah phäh ah kyak ci.

THULÄÄN NAK 16:14

Nami hta nau gui, nami changshäm gui, Levit gui, khaw hei chang gui, hmei hta gui, hmeinu gui, nami gawnu ung om ci gui nami van a täng ah yeikyai vä.

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

2 GHANGPUGHANG GUI 17:37

Nangmi ah phäh ah kei naw ka guk ah thukhän gui la thumkhän gui cu nangmi naw angtäi ah nami läk vai. Nangmi naw a hei Khanpughi kä nami läk vai,

SAM 93:5

Bawipa, na thumkhän gui cu angtäi ah om ne, na Taigüim cu akcang ah theing cim lä ci nei.

SAM 111:7

Ani cu a bi nak phung ung bekhüt ne ng’düng ci; ang thu pyen gui phung cu khäng ci.