SAM 19:14 - Cho Bible Common Language 2016

¹⁴ Ka thu la ka m’lung ngaih cu nang ah dou thei vai ah kya sä, O Bawipa ka ng’yii nak la ka Hunbawi!

SAM 19:14 Referans Kwoze

SAM 104:34

Kei ah ng’äi awn ani cu yeikyai khai, ka yeikyai nak cu ani ung ka lawk ci nei.

SAM 51:15

Bawipa, ka ng’thu thei vai ah na m’thei ä, ka ning m’taam khai nei.

SAM 119:108

O Bawipa, m’hlüngtai ne ka taigü cu na dou pe ä, Na thukhän cu na m’theithang ä.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

ISAIAH 47:4

Theingcim ciah Israel khanpughi naw na m’hlaut gui ci nei Ani ah ming cu m’gäi ciah Bawipa nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

ISAIAH 43:14

Israel gui ah theingcim ciah Khanpughi, ning hun gui ciah Bawipa naw pyen ci, “Ning hun gui khai ah, Babilon hnung’tuk püi ciah gakap cu kei naw ka tüi lawk khai; mang gaw m’kawt gui cu kei naw ka phyek khai, chang gui ah m’lau cu kyah ah ng’lat khai nei.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.