SAM 19:13 - Cho Bible Common Language 2016

¹³ Hmat lang ne katnak ung ka, na gung ä; Cun gui naw kä na uk-en u sä. Cun kawn ah kei ka kümbe khai nei, sheka ne cheishoh nak ung na m’hlawt ä.

SAM 19:13 Referans Kwoze

SAM 119:133

Na shaitak ah mäih ah zu ng’kiak nak ung ka, na k’pang ä; akshe gui naw kä na näng en u sä.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

1 SAMUEL 25:39

David naw Nabala ah a sih cu ng’ya neta, “Bawipa m’tam nei! Ani naw na yawshe nak ciah Nabala ah khan ah phu tu pyi ci nei, ana changshäm cu a hma ka bi nak vai ung ka, nak pang ci nei. Akshe ah a om ah phäh ah Nabala cu Bawipa naw m’kyuk pyi ci nei” cik ci. Cun kawn ah David naw Abigail am ng’shä tüih ne, ak chu nak ba vai ah mawng pyen ci.

SAM 7:10

Khanpughi cu ka ng’shawi; a ng’thu ngai cicu ani naw hun ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

ATÜNNAK 20:6

Khanpughi naw ani ah ng’mang ung, “Düng nak awn na bi ah kei naw ka hmat ci nei, cun ah kyasei katnak kä na bi pha ung, shin ah hnumi awn kä nani ih pha ung, ka ning m’shüm thein ah kyak ci nei.

2 PETER 2:10

pumsa ah ng’yak hlü düt läk ne, Khanpughi ah huham päipih ci gui cu, m’khoichaa nak ah hnüüp ung, m’shetkat gui vai cu Khanpughi naw hmat ci. Cun ah thuvi m’theithang ci gui cu lingkeng ne taäh u ne, bäkhäk ciah khan bawi gui phi a i ah kä sui ne päipih ci gui.

SAM 18:23

Kei ung hma nak kä om ciah ani naw hmat ci, cun ah kyasei cheishoh nak kä om ciah ani naw hmat ci, cun ah kyasei cheishoh nak kä om khai ah ka m’htei ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

PHYAWN NAK 21:14

Cun ung phi chang tumat cu m’lungshe neta, bü ne chang a ngawn ah a kyak ung, ani cu ngawn ba vai, kei ah ka mangkiang ung dawng ne ang yii ung phi kä lawt khai.

TAIGÜTHUM 4:2

cun cu Israel chang gui am am thein gui vai ah kyak ci. Chan tumat naw acapka ah Bawipa ah thumkhän cu kat na ne, m’shet ne a kyak ung shin ah thung gui cu a läk vai.

TAIGÜTHUM 4:13

Israel a pahta pum naw katnak bi ne, kä ngaih-tüh ah Bawipa ah thumkhän cu m’shet u khäta,

TAIGÜTHUM 4:22

Avaisü ah uktu tumat cu katnak bi ne, kä ngaih-tüh ah Bawipa ah thumkhän tumat cu m’shet ne,

TAIGÜTHUM 4:27

Avaisü ah chang düt tumat naw kä ngaih-tüh ah katnak bi ne, Bawipa ah thumkhän tumat am shet ah a kyak ung,

JOB 34:32

Na chei nak gui aning m’hnuh vai ah Khanpughi ah na ng’yoi thäh ne ang? Ashe kä na bi ba vai ah nang ung yum nak om ne ang?