SAM 19:12 - Cho Bible Common Language 2016

¹² Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!

SAM 19:12 Referans Kwoze

SAM 90:8

Nang naw kami katnak cu na ma ah bum ne, m’zih ne kami katnak cu na hmuh nak vai ung na tha ci.

JOB 6:24

Ä, na m’theithang ä; kei ah ka katnak gui na m’thein ä. Kei cu adüm ah om ne ka ning ngai khai nei.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

SAM 40:12

Kei cu kä khei tai vai ah da ciah khüikha nak naw na k’cung ci nei. Ka katnak gui naw na pha sei a i kä ka hmu ba ci nei; ka katnak gui cu ka lu ung lumu ah phi da pi ci nei; kei ah ka thagui cu maih ci nei.

1 KORIN 4:4

Kei ah kam lung kyong cu theingcim ci, cun cu kei ung kat nak kä om ciah ka pyein na kä kyak ci. Kei nam khoichak ci cu Bawi tumat bäng ah kyak ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

HEBRU 9:7

Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.

SAM 139:6

Na hmuhmat nak cu kei ah hmawk ah thuuk aih ci nei; kei naw kä ka hmat hlawt ci nei.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

SAM 139:2

Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

SAM 65:3

Kami cheishoh nak naw na hnim gui ci, cun ung phi nang naw na nam geinsei gui ci.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.

NG'THU K'THUUK~ 13:13

Akni ah m’cäi ä nak maanak ciah chang cu khüikha nak k’thäh ciah kyak ci. Läk ciah chang cu hun nak gah ci.