SAM 19:11 - Cho Bible Common Language 2016

¹¹ Cun gui naw na changshäm kei-am hmuh hmat nak na pek ci; A cun ka ngaih ah hmawk ah kei cu m’cümhnah nak ka gah ci.

SAM 19:11 Referans Kwoze

2 JOHAN 1:8

Geing na ne nami om vai nei, cun ung nangmi ah hmawk ah keimi ah bi cu akholä ah kä kyak khai, nangmi phi m’cümhnah nak ak be nami gah khai.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

NG'THU K'THUUK~ 29:18

Khanpughi ah lam shüm nak kä om ciah khochang cu kä ng’käkhtäng ciah khochang ah kyak ci. Khanpughi ah thukhän k’pang ciah chang cu yeikyai nak om ci.

MATTHE 6:4

Nak pat lam naw abi cu nak eng lam naw phi kä a hmat ten vai nei, kängdang ciah bi cu hmuh thei ciah napa naw m’gein nak m’cümhnah ning pek khai nei.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

1 KORIN 4:14

Shin ah ka guk cu nangmi ka ning lü ng’aa nak sak gui ah kä kyak ci, ka ning m’hni ah ka ning hta gui ka ning m’shüm thein nak gui ah kyak ci.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

MATTHE 6:18

Cun ung vah mik awn kä hmuh thei ah nami Pa ah kawn ah a u naw phi ei nami hlawi ah mawng kä hmuhmat khai. Kä dang ciah bi cu hmuh thei ciah nami Pa naw, m’gein nak m’cümhnah ning pe gui khai.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

2 SHONTÄP NAK 19:10

Nami khonglei chang a u naw phi ngawn sih nak ah mawng phi kia, thukhän, thumkhän m’shet nak ah mawng phi kia, nami ma ah ami law püi ah a kyak ung, cun ah a mawng pyen sak law sang ung a mi mat naw geing na ne ami bi vai ah nami m’shümthein gui vai. Cun ung ngami cu Bawipa hnungtuk püi ne katnak ung, kä gawk khai gui. Cun ah kä nami bi ah a kyak ung nangmi la nami khonglei chang gui naw Bawipa nami m’lungshe sak ciah kyak khai. Cun ung phi nami bi vai cu m’htei ne nami bi ah a kyak ung nangmi cu katnak ung kä nami gawk khai.

MATTHE 6:6

Cun ah kyasei nangmi cu na mi taigü ung, kyong ah lut ba ne shoh khai netah, mik awn kä hmuh ah nami pa ah nami taigü vai. Kä dang khai ah bi cu hmuh thei ciah nami pa naw m’cümhnah nak ning pe gui khai.

SAM 119:72

Thukhän na pek cu kei ah hmawk ah khomdek khan ung ngui avan ah bä pi ci nei.

SAM 119:103

Na m’shüm thein nak gui cu tui hlim aih ci nei khoi tui ah ta tui pi ci gui nei.

NG'THU K'THUUK~ 24:14

Nang naw na ngaih gep khai, Cüivai nak cu mümcha ah ni nak ah kyak ci. Cüivai nak cu na gah vai. Cun ung ma lam ah khaw dei khai.

EZEKIEL 3:3

Ani naw pyen ci, “Hnicim chang, kei naw ka ning pek ah shin ah ca k’chaw cu ei ä; a shin awn na Chi bi sakä.” Kei naw cun cu ka ei ci, khoitui ah mäih ah tui hlim ci.