SAM 18:9 - Cho Bible Common Language 2016

⁹ Ani naw khomik ng’kup sak ne kyum law sei, a kho ka ah ng’mei le ng’thoot ci.

SAM 18:9 Referans Kwoze

THULÄÄN NAK 33:26

Israel chang gui, nangmi ah Khanpughi ah mäih ah a i khanpughi phi kä om ci. Aktung khak ng’cuum ne khomik kaan ci, Khongmei ung cuum ne nang ning bawm khai ah lawk ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

HEBRU 12:26

Cun sang ung Khanpughi ah ng’thu naw khomdek cu thüng sak ci nei. Cun bäng ah kä kyak ciah, tuk bäi, Bawipa naw, “Kei naw hnü ät mä, khomdek bäng ah kä kya ciah, khankho phi ka thüng sak khai nei,” cine shai a taak om ci.

JOHAN 13:7

Bawipa Jesuh naw, “Kei ah bi cu tuhbäi nang naw kä na hmat ci, cun ung phi ngawi ah na hmat khai nei” cine pyen nak ci.

MAKUH 15:33

Kho hnüüp lunglai ung tün ne kho k’awi nayi thum güt ung khomdek khan avan cu mü ne hmüp yawp ci.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

JOEL 3:16

Zion m’htung khan ah ka naw Bawipa ng’hawh ci; ak aw cu Jerusalem ungka hmum kyeek lawk ci; Khomdek la khomik ng’thüng ci. Cun ung phi ani naw a chang gui shungvong gui khai.

2 SAMUEL 22:10

Ani naw khawmik m’auh ne kyum lawk ci, A khaw ka ah ng’mei le ah kyak ci.

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

SAM 68:4

Khanpughi am ng’äi m’cu vä, ng’äi ne aming m’taam vä; Ani ah hmawk ah lam pyang vä, ani cu ng’mei ung ng’cum ci nei. Aming cu Bawipa nei, ani ah ma ah yeikyai vä!

PHYAWN NAK 19:18

Sinai m’htung avan cu meikhu naw küm ci, a i ah kyasei ci ung a cun ah khan ah meikdäi ung Bawipa ah law sei kyak ci. Meikhu cu mei hung ungka ah mäih ah khu sei chang gui avan kyi aih ne ng’hlet ci gui.

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

SAM 97:3

Mei däi cu ama ah hteit ne, a pei leng ah a ga gui cu ui gui ci.

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.