SAM 18:6 - Cho Bible Common Language 2016

⁶ Ka cümbawng yah ung Bawipa cu ka khü ci nei; na m’htei khai ah Khanpughi cu ka k’thäh ci nei. A pum im kyong ah om ne ka k’aw cu ng’yak ci; ka kyah cu ngai ne, na m’htei ci nei.

SAM 18:6 Referans Kwoze

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

2 SAMUEL 22:7

Ka khüikha nak ungka naw Bawipa ka khü ci; Ana m’htei vai ah ka Khanpughi ka khü ci. Apum im ung kei ah k’aw cu ng’yak ci nei; Ana m’htei vai ah ka kyah cu ani naw ngai ci nei.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

SAM 120:1

Kei naw ka geinvai yah ung Bawipa cu ka khü ci, ani naw na m’shang ci.

LAMKTU 12:5

Cun ah kya sei Peter cu thawng ung chum ci gui. Cun ung phi khrithabum gui naw ami m’lung m’hlün ne Khanpughi ah taigü pek ci gui.

2 SHONTÄP NAK 30:27

Taigü gui la Levit gui naw chang gui ah khan ah Bawipa naw a phyuh theh vai ah k’thäh ci gui. Khanpughi naw khankhaw a im ungka naw ami taigü gui ng’ya ne dou pe gui ci.

PHYAWN NAK 2:23

Khokum api sho hta khäta, Egypt ghangpughang cu sik ci. Cun ung phi Israel chang gui cu ami khleihtein ah kya ne geinvai lä u ne, m’gein gui vai ah kyap m’lau lä ci gui. Ngami ah kyah cu Khanpughi ah gawk ci.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

SAM 5:7

Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

MAKUH 14:36

“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.

SAM 55:5

Kei cu kyi aih ne, nak phawng sei ka ng’thüng ci; kyih nak ung ka gein vai ci.