SAM 18:45 - Cho Bible Common Language 2016

⁴⁵ Ngami cu ami k’tha maih sei ami ng’yii nak ung ka ng’hlet ne lut lawk ci gui.

SAM 18:45 Referans Kwoze

MIKHAH 7:17

Ngami cu k’phyu ah mäih ah m’vut ung ng’yawi u ne, ami yai nak ungka lawk khai gui, ng’thüng ne kyik khai gui, ngami cu kyikyawk u ne Bawipa ami Khanpughi ah ng’hlat khai gui nei.

THU PHLAAN 6:16

Ngami naw khomhtung gui la lung k’song gui-am, “Mangkiaang ung ngok ciah mik hmai kä kami hmuh vai la Htomehta ah m’lung k’she nak kä kami gah vai ah, kami khan ah kya law ne keimi cu na thup gui ä!

JAMES 1:11

Hni liing naw aghing cu chawng sak ne, apai cu kiawi sak ci, cun ah kyasei akiom nak cu dimaih ci. Acun ah mäih ah bühmang ciah chang cu, amät ah bi abi yah chung ung dimaih nak om khai nei.

ISAIAH 24:4

Khomdek cu chaung ne ng’yai ci; m’dekhan apum ah thawaih ci; khomdek la khankhaw avan thuce ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

2 SAMUEL 8:6

Cun kawn ah ani naw ami khaw ung gakap hmun k’süm ci, ngami cu ani ah chang ah kya law u ne, phlam phi ani am pek ci gui. Bawipa naw David am a khawpäng ung näng nak pek ci.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 81:16

Cun ung phi htang akni pi ning m’bei gui ne, khoi k’phyim tui awn ka ning phü sak gui khai nei.”