SAM 18:14 - Cho Bible Common Language 2016

¹⁴ Am la awn kaap ne gaa gui cu k’täm gui ne, kho lai läp awn gawt ne dawng sak gui ne, kho lai läp awn gawt ne dawng sak gui ci.

SAM 18:14 Referans Kwoze

SAM 144:6

Kho lailäp ne ng’hmum kyeek sak ne, na ga gui cu püi sak gui ä; Na m’la awn kap ne dawng sak gui ä.

HABAKKUK 3:11

Ng’ghin ne yong ciah na m’la ah lailäp la, khang ciah na k’htei ah ang shü ung, hni la cha cu ng’düm ci goi nei.

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

SAM 77:17

Khong’mei naw kho aa sak ci; khankho mik ah kho ng’hmum ng’kyeek sei, kho cawi van ung lailäp ne khang ci.

JOB 6:4

M’gäi ciah Khanpughi naw am’la gui awn na kap ci, Ngami ah ami m’äm cu kei ah pumsa avan ung gawk ci nei. Khanpughi naw kei ana kyih vai hnungtuk nak cu m’hnüt k’bäi ci nei.

JOSHUA 10:10

Bawipa naw Amorit gui cu Israel gakap gui ah ma ah ang ghit ah kyikyawk sak gui ci. Israel gui naw Kibeon ung ngawn gui u ne, Beth Horon phlän ciah khomhtung ah khüt ne gawt gui u ne, ahtum täng Ayekah la Makkedah ung khüt ne k’pang ne tu gui ci gui.

THULÄÄN NAK 32:42

Ka m’la gui ung ami si ng’soi khai, Ka khim naw na hnungtuk püi ci avan ngawn khai, Kei nang’tuk püi ci phung a u kä ka m’düm khai. Leim ci gui la thawng kyum ci gui phi sik khai gui.

THULÄÄN NAK 32:23

Kei naw kä ng’pyi hlawt ciah leigai ami khan ah ka law püi khai, ka m’la avan mang ne ka hnungtuk püi gui khai.

KHEI NAK 24:8

Khanpughi naw Egypt khaw ungka law püi ba gui ci. Ani naw ngami mi ah phäh ah phawngsei ah mäih ah ng’tuk bik ci. Ngami naw ami ga cu kyeim sak ci gui. Ami guh gui deng gui ci gui, ami m’la gui phai gui ci gui.

SAM 21:12

Ani naw am la awn bü ne kaap gui ne ng’hlat ne dawng sak gui ci.

JOB 38:35

Nang naw khikdei cu lailäp khai ah ng’thu nak bäi ah a kyak ung “Na ng’thu ngaih vai ah kami om ci nei” cik khai gui ang?

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

JOB 37:4

Cun kawn ah ng’hmum ciah ak aw cu ng’yak nei, Cun cu akdäm pikbäih ah ng’hmum kyeek ah kyak ci nei. Cun cu kho lailäp ne adei kawn ah kyak ci.

JOB 37:5

Khanpughi ah thumkhän awn cäi aih vai gui cu kya lawk ci, Kä hmat hlawt vai ah cäicat vai gui phi kya lawk ci.

SAM 29:3

Bawipa ah ak’aw cu tuinu ah khan ah ng’yak nei; ng’hmum kyeek ciah Khanpughi bäkhäk nak la ak aw cu tuinu ah khan ah ng’shan lawk ci nei.

SAM 29:7

Bawipa ah ak aw naw kho lailäp ne ng’shü sak ci.

SAM 77:18

Na kho ng’hmum ng’kyeek ne ng’liim sei, lailäp ne ng’shü ci naw m’dek han chang ci; khomdek ng’hlet ne thüng ci.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?