SAM 18:1 - Cho Bible Common Language 2016

¹ Ka ning m’hni aih ci nei, Bawipa! Nang cu ka thagui ah na kyak ci.

SAM 18:1 Referans Kwoze

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

SAM 118:14

Bawipa naw na huham mah sak ne, na k’thamah sak ci, Ani naw na hun ci.

SAM 116:16

Bawipa, kei cu na changshäm ah ka kyak ci nei; kanu ah bi ah mäih ah kei naw na bi ka bik ci nei. Nang naw sih nak ungka na na hun pyi ci nei.

SAM 36:1

Shetkat nak cu changshe ung thu pyen ne, am lung ung htek ci. Ani naw Khanpughi hnu ng’tuk püi ne kä kyih aa ci.

SAM 18:32

A cun ah Khanpughi naw thagui na ghaat sak ne, Ka hteh nak lam phi düng sak ci.

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

HEBRU 3:5

Moses cu Khanpughi ah im kyong ah ak changshäm ah kya ne bekhüt ne om ne, ma lam ah Khanpughi ah thu law vai gui cu, ana pyein law ma ci.