SAM 17:3 - Cho Bible Common Language 2016

³ Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

SAM 17:3 Referans Kwoze

SAM 26:2

Bawipa, na ng’shi ne, na m’nüm ä; Ka ng’yak hlü la ka ngaih-tüh gui cu yuk m’khoi m’cha law ä.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

SAM 39:1

Kei naw, “Kei naw ka bi phung cu geing na ne ka bik khai nei, ka ng’thu awn phi kä ka cheishoh khai nei; Changshe gui ka pei ah ami om yah ung a i ng’thu phi kä ka pyen khai nei” ka cik ci.

JOB 23:10

Cun ung phi kei naw ka bi phung cu Khanpughi naw hmuk ci, ani naw ana m’nüm vaisü ung ang ciim ah na hmuk khai süte nei.

MALAKHI 3:2

Cun ung phi ani a law hnüüp ung a u naw khan hning khai aw? Ani ang dang law ung a u naw phyawn na hlawt khai aw? Ani cu theing khai ah m’si nak ah satpya, m’si shep nak ah mei ah mäih ah kyak khai nei.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

SAM 139:1

Bawipa, nang naw na m’nüm ne, kei cu na na hmat ci.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

SAM 66:10

Nang naw na na m’nüm gui ci, Khanpughi; Ngui cu mei awn m’nüm ah kyak ci, cun ah kyasei na na m’nüm gui ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?

HOSEA 7:6

Ä, ngami naw uih sak ci gui. Meibum ung mei ah mäih ah ami m’lung so awn amü pum ung ngami ah m’lungshe nak cu ngän ngän ah ui ci. Khongawi hta ung cun cu ui ne däi lawk ci.

JEREMIAH 50:20

Cun ah khin a gawk law ung Israel ah katnak kä hmuh ba vai, Judah ung cheishoh nak kä om ba khai, a i ah kyasei ci ung kei naw phiawn ngäsei ghing ci gui cu kei naw ka m’geinsei gui khai. Kei Bawipa naw ka pyen nei.”

NG'THU K'THUUK~ 13:3

Na ng’thu ng’htau geing na ne, na ghin nak na shungvong vai. Kä geing nak ah ng’thu ci naw amät m’di ci.

SAM 16:7

Bawipa cu ka m’hlüngtai ci, lam a nam shüm ah hmawk ah, mü ah phi ka m’lung naw kei cu na m’thein ci.

SAM 11:5

Ani naw akni la akshe cu m’nüm ci; Thukän m’shet cicu am lung avan awn gen ci.

SAM 7:4

ka püipaw cu kat na ne, amawngma kä om ciah guttep ci ka kyak ung,

JOB 24:14

Chang ngawn ciah chang cu kho thai hta tho law ne dukhaih ci gui ngawn khai ah hteit ci, khomü ah ani cu m’guk ci.

1 SAMUEL 26:23

Na chang tumat law ne la law ba sä. Bekhüt ci la düng ciah chang cu Bawipa naw m’cümhnah ci nei. Tuh ngawi nang cu, ani naw ka huham kyong ah ning tha ci nei, cung phi kä ka ning hnim ci, nang cu Bawipa naw ghangpughang ah a ning hmoh ah kyak ci.

1 SAMUEL 24:12

Mi hma nak cu Bawipa naw m’khoi m’cha sä! Kei naw api ah phi kä na ning nat sak ci kyasei, nang naw kei ah khan ah hnu ng’tuk ne na hnün thawh nak cu Bawipa naw ning m’kyuk sä.

LAMKTU 16:9

Cu mü Paul naw ang mui mang ung, “Macedonia kho ah law ne na bawm gui vä” cine Mecedonia chang tumat naw ng’düi ne ng’yoi sei hmuk ci,

1 SAMUEL 24:10

Na mät naw na hmuh hning ci, tuh bäihta shin ah khui ung Bawipa naw nang cu kei ah huham kyong ah ning tha ci. Ka chang amshah naw nang ka ning ngawn vai ah pyen ci gui, cun ung phi nang ah phäh ah a yä neta, nang ah khan ah api ah phi naknak kä bi vai ah ka pyen ci, a i ah kyasei ci ung nang cu Bawipa naw ghangpughang ah a ning ghü ah kyak ci.

JAMES 3:2

Mikmi cu ashäng shäng mi sheka thei ci nei. A i yah ung phi hmakat nak kä om khai ah thu thei ciah chang cu, kümbe ciah kiak ci, apumsa avan shum ne htingling ciah chang ah phi kyak ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 KORIN 4:4

Kei ah kam lung kyong cu theingcim ci, cun cu kei ung kat nak kä om ciah ka pyein na kä kyak ci. Kei nam khoichak ci cu Bawi tumat bäng ah kyak ci.

1 SAMUEL 26:11

Bawipa naw am düih ah ghangpughang cu kei naw kä ka ngawn vai ah Bawipa naw na ma nak ci nei! Ak htei la a tui um la neta ni hteit ba kaw” cik ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

SAM 139:23

O Khanpughi, kei cu na m’nüm ne, ka m’lung cu na hmat ä. Kei cu na näät ne, ka ngaih-tüh gui cu na hmuh pe ä.

JEREMIAH 12:3

Cun ung phi Bawipa, kei cu na nah mat ci; kei naw a i ka bi cu nang naw na hmuk ci, a i hlawk ah ka ning m’hni cu na hmuk ci. Ami ngawn vai ah htome gui ami so gui ah mäih ah shin ah changshe gui ahei ah saw gui ä; Ngawn nak gui vai ah akhin kä a gawk law pha ah chuih ngami cu ngäng gui ci gui nei.