SAM 17:14 - Cho Bible Common Language 2016

¹⁴ Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

SAM 17:14 Referans Kwoze

JOB 22:18

Cun ung phi Khanpughi cu ngami ng’bühmangh khai gui ah pyang gui ciah kya ci chang shekha gui ah m’lung gaih cu kei naw kä ka hmat hning ci nei.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

JOHAN 15:19

M’dek khan ng’yak hlü cu nami khäm ah a kyak ung m’dek khan naw khäm ne ning m’hni gui khai. Cun ung phi shin ah m’dek khan ung kaa kei naw ka ning ghü gui ci, nangmi naw m’dek khan kä nami k’chaw na ba ci; cun ah kyasei m’dek chang naw nangmi cu ning gen gui ci.

JOHAN 8:23

Bawipa Jesuh naw, “Nangmi cu shin ah m’dek nami kho nak ci, kei cu khan ah kaa ka lawk ci. Nangmi cu shin ah khomdek chang ah nami kyak ci, kei cu shin ah khomdek chang ah kä ka kyak ci.

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

SAM 73:12

Cun cu changshe gui ah m’hni ah kyak ci. Ngami ung khawh da sei, gah täng law pi ci gui.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

JOB 21:21

Chang cu a ghin nak ang pyi ah a kyak ung a hta nau gui ah yei nak vai ah ang’tai nak om ne ang?

JOB 12:9

Ami van naw Khanpughi naw a kut awn atüi pyan gui cu hmat ci gui nei.

JOB 12:6

Cun ung phi m’guk ei gui la khanpughi kaa ah om ci gui cu ding gei sei om ci gui, ami khanpughi cu ami mät ah k’thagui ah kyak ci.

MATTHE 13:44

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

NG'THU K'THUUK~ 2:4

Cüivai nak cu ngui ghui ah mäiha ah na shui vai. Thuh ah khawh yap ah mäih ah na yap vai.