SAM 16:7 - Cho Bible Common Language 2016

⁷ Bawipa cu ka m’hlüngtai ci, lam a nam shüm ah hmawk ah, mü ah phi ka m’lung naw kei cu na m’thein ci.

SAM 16:7 Referans Kwoze

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

SAM 77:6

Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

SAM 17:3

Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

SAM 63:6

Ih phak ung ka ng’zän ung phi ka ning shüm ci; am than pum ka ning ngaih-tüh ci,

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.

ISAIAH 26:9

Khomü ah ka m’lungkyong avan awn ka ning ngaih-tüh ci nei; Nang naw khomdek la a chang gui na ng’thumcha law ung, ngami ami van naw, taga nak ah mawng cu ng’thei khai gui nei.

NG'THU K'THUUK~ 8:14

Kei naw ng’bü nak pyang ne a cun cu ka bik ci. Kei ung hmuhmat nak om ci, kei ka khüighat ci.

SAM 119:55

Mü ah phi Bawipa, ka ning shüm ci, Na thukhän ah mawng cu ka ngaih — tüh ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

SAM 119:7

Ng’düng ciah na ng’thumcha nak cu, kei naw ng’thei neta, ng’ciim ciah m’lung awn ka ning m’taam khai nei.

SAM 119:148

Khomü pum ung ka ng’zän nak ung ng’shüm ne, Na m’shüm thein nak cu ka ngaih nak ci nei.

SAM 77:2

Khüikha nak a gawk law yah ung Bawipa ah ka taigü ci; Khawmü pum kut shäng ne ka taigü ci, cun ung phi m’lung üp nak kä ka hmuk ci.

SAM 22:2

Kho hnüüp yah ung kei naw ka ning khü ci nei, ka Khanpughi, cun ung phi nang naw kä na na m’shang ci; mü ah phi kä ning khü ci, cun ung phi kä ka ng’düm hlawt ci.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

SAM 73:21

Ka m’lung she ne, ka ngaih a tä yah ung,