SAM 16:6 - Cho Bible Common Language 2016

⁶ A i hlawk ah cäicat vai ang, nang ah na m’cümhnah cu; Ni aih ci gui nei!

SAM 16:6 Referans Kwoze

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

SAM 61:6

Ghangpughang ah ghin nak ung khokum shou sak ne; ghin sak lä ä!