SAM 16:4 - Cho Bible Common Language 2016

⁴ A hei khanpughi ah lam ghü ciah chang gui cu, ami mät ah khüikha nak akda gah ci gui nei. Ngami ah vawihpeh cu kei naw kä ka dou khai nei; ngami ah Khanpughi cu kä ka khawihnah khai nei.

SAM 16:4 Referans Kwoze

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.

JOSHUA 23:7

Nami ng’lung ah pawih ba ciah shin ah chang gui awn kä nami guigong vai, ami khanpughi gui ah ming kä nami pyen tu vai, acun gui ah ming awn kä nami ng’phyun vai, cun ah khanpughi gui kä nami khawihnah vai, ami ma ah kä nami m’khuukdong vai.

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

SAM 32:10

Changshe gui cu geinvai khai gui, cun ung phi Bawipa ung ng’ap ci cu, ng’täi ciah am hni nak awn shungvong ci.

JONAH 2:8

Agup akholä khawihnah ci gui naw, ami ning chang m’sui nak cu nawng ci gui nei.

ISAIAH 57:6

Nangmi naw ng’mi ciah lung gui cu a cun ung ka la neta, khanpughi cine nami khawihnah ci. Nangmi naw sapyit tui cu k’phyuh ne nami douthak ci, htang-douthak phi nami lawpüi ci. Shin gui avan cu kei naw ka yei nak ciah nami ngai ne ang?

JEREMIAH 7:18

A hmaw gui naw sung shui ci gui, pami gui naw mei cik ci gui, hnumi gui naw m’htut den k’caw cu ne, khankho Ghangpughang nu ami ciah Khanpughi nu ah phäh ah ng’shai ci gui. Ngami naw ahei khanpughi gui am sapyit tui shawi ne diuthak ci gui, cun cu kei ami na nat saknak ah kyak ci.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 65:11

Cun ung phi kei na nawng ne, kei ah theing ciah m’htung Zion nawng ne, ma hmat nak, ma m’khin nak ah khanpughi ah kyak ciah kad la meni khawihnak ciah nangmi ah phäh ah a kahnga ah kyak khai.

TAIGÜTHUM 23:13

Acun awn a täng ah m’htut den koi phli cu, olive situi awn k’caw ne nami pek vai. Shin ah douthak nak ah ang ui cu Bawipa naw yeikyai nak ci. Acun awn a täng ah sapyit tui um ät cun phi, douthak ne nami pek vai.

ATÜNNAK 35:14

Cun ah Khanpughi naw ang thu nak püi ah hmun ung Jakob naw lung k’tung ng’ling neta tui ng’ui la oliv situi awn shawi ci.