SAM 16:3 - Cho Bible Common Language 2016

³ Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.

SAM 16:3 Referans Kwoze

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

NG'THU K'THUUK~ 12:26

Düng ciah chang cu c teihpüi ah lam shüm ciah kyak ci. Cun ung phi changshe ah hteh nak ah lam naw lam hma sak ci.

2 SHONTÄP NAK 6:41

Bawipa Khanpughi, tuhbäi ng’düi law ä, na huham ah kyak ciah Thukhän M’küm awn Taigüim ung lut ne, shin ung khonglän ung om ä. Na taigü gui ah ami bi avan cu hriham pe gui ä. Ngami ah khan ah nang ah na bä nak ah phäh ah na chang gui avan cu yeikyai khai gui nei.

LAMKTU 9:13

Ananias naw, “Bawipa, Jerusalem ah na chang gui ah khan ah, cun ah chang naw ak she ah abi lawh gui cu, chang akda naw pyein u sei kang yah pyi ci nei.

MALAKHI 3:17

Hlüngtai ciah Bawipa naw, “Ngami cu ka chang ah kyak khai gui, kei ka hnün thawh law hnüüp ung ngami cu, ka chang akcang ah kyak khai gui. Amät m’thei ciah a hta ah khan ah apa naw a chimgein ah mäih ah ngami cu ka chimgein gui khai.

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.

NG'THU K'THUUK~ 8:31

Khomdek khan awn ka yeikyai ci, hnicim chang awn ka lünlawi ci.

SAM 119:63

Kei cu na khuut bik ci avan la na thukhän läk ci avan ah teihpüi ah ka kyak ci.

SAM 116:15

A chang tumat a sih cu Bawipa ah hmawk ah m’neh aih vai ah kyak ci nei!

SAM 101:6

Khanpughi ah bekhüt ci gui cu kei naw ka dou gui khai, ka mang im ung ka om sak gui khai. Akbe ah düng ciah chang naw kya ah khuut bik khai.

SAM 30:4

Bekhüt ciah ak chang gui, Bawipa m’taam ne ng’äi vä! Ak theing cim tumat ah bi cu shüm ba vä, ani cu yei nah vä.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

EPHESIAN 1:1

Khanpughi ah ang yak hlü ah Bawi Jesuh Khrit ah ang düihpüi ah kyak ciah kei Paul naw, Ephesus gawnu ung Khanpughi ah chang gui, bekhüt ciah khritha gui-am ca ning peit law gui nei.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

SOLOMON NG’Ä~ 7:10

Kei ah ka m’hni naw na khäm ci, ani naw na ng’ya hlük ci.

SAM 122:8

Ka mätyah gui la ka teihpüi gui ah hmawk ah, kei naw Jerusalem-am “Nang ung dimdeeih nak om sä” ka cik ci.