SAM 16:1 - Cho Bible Common Language 2016

¹ O Khanpughi, na ngäng ä, ka phyawn vai ah nang ung ka ng’ap ci nei.

SAM 16:1 Referans Kwoze

SAM 56:1

O Khanpughi, kei cu na m’gein ä, kei cu na tuk ci gui nei, ka gaa gui naw angtäi sei na dukdeiu nak ci gui nei.

SAM 17:8

Na mik cang awn na tengkhen ä; na ng’phia hniim ung na thup ä,

SAM 116:6

Bawipa naw geinvai cicu shungvong ci; kei ka khüikha yah ung, ani naw na hun ci.

SAM 84:12

M’gäi ciah Bawipa, nang ung ng’ap ci gui cu yeikyai aih ci gui nei!

SAM 31:23

Bawipa cu m’hni vä, bekhüt ciah ak chang van naw, Bekhüt cicu Bawipa naw shungvong ci, cun ung phi chang ah ng’shei ci cu, amät ah om m’kyuk ci.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

NG'THU K'THUUK~ 2:8

Ani naw akni ah om püi ciah chang cu ngäng ne ani ung bekhüt ciah chang ah hteh nak cu üp oi sak ci.

SAM 146:5

Yeikyai nak om ciah chang cu, m’htei gui khai ah Jakob ah Khanpughi, Bawipa a Khanpughi ung ng’yung ciah kyak ci.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

SAM 7:1

O Bawipa, ka Khanpughi, na na shungvong vai ah ka lawk ci nei; Na k’tääm nak ci gui ah chang van ah kut ung ka, na phyawn ne na hun ä,

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

SAM 60:1

O Khanpughi, nang naw na hnu nah gui ne, na na hnim gui ci nei; Nang naw na na m’lung she na gui ci, — cun ung phi tuhbäi keimi täng ah na ng’hlat law ba ci.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

SAM 25:20

Na shungvong ä, na hun ä, shedam nak ung na gung ä. Nang ah phyawng ne ka lawk khai nei.

SAM 17:5

Kei cu nang ah lam ung angtäi ah ka hteit ci, lam kä ka pleng phung ci.

2 KORIN 1:9

Kami mät naw kami mät sih nak ung kami gawk ciah kami ngai ci. Cun ah a kyak cu keimi naw, kami mät kä ngaih u, u ne, ak si thawh ba sak ciah Khanpughi kami ngaih u vai ah hmawk ah kyak ci.

SAM 22:8

Ngami naw, “Nang cu Bawipa ung na ng’yung ci nei,” A i ah kyasei kä a ning hun ang? Bawipa naw a ning m’hni ah a kyak ung, a i ah kyasei kä a ning m’htei ang? cik ci gui.

SAM 7:2

Kä cun ung ngami naw phongkawng ah mäih ah na chang ne, a u ah kä hun nak hning vai ah na hteh püi u ne, na phyit sek khai gui nei.