SAM 15:5 - Cho Bible Common Language 2016

⁵ A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.

SAM 15:5 Referans Kwoze

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

PHYAWN NAK 22:25

“Dukhaih ciah ka chang gui am ngui nami k’puu gui ah a kyak ung, ngui ng’puu ne ei ciah mäih ah kä nami bi vai. A hta kä nami shan vai.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

EZEKIEL 18:8

Ani naw ngui a taw ah kä ng’pu ci. Ani cu akshe bi vai ah mak ci, Ng’cuh can nak päng ung düng nak awn m’khoi chak ci.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

NG'THU K'THUUK~ 12:3

Shetkat nak naw ngaih gep nak kä be sak hlawt ci, cun ung phi düng ciah chang cu khäng sei ng’düi ci.

SAM 112:6

Changni cu kä zu ng’kia phung khai; ani cu a phlüt ah shüm vai kyak khai.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

SAM 16:8

Kei cu angtäi sei Bawipa ah ma ah ka om ci; ani naw na et sei, kei cu a i naw kä na k’hnün hlawt ci.

MATTHE 26:15

“Jesuh cu nami kut ung ka ning ap gui ung, a i nami na pek khai ang,” cine ng’shi gui ci. Ngami naw tangka thumkip khei ne pek ci gui.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

EZEKIEL 18:27

Changshe naw akshe a bi cu nawng ne, hman ci la nik cicu a bi ah a kyak ung ani naw aghin nak cu hun ci.

EZEKIEL 18:17

Ani naw akshe bi vai cu mak ci, ngui ataw ah kä ng’pu ci. Ani naw kei ah thukhän gui cu k’pang ci, ka thumkhän gui cu läk ci, Ani cu apa ah katnak ah phäh ah kä sik khai, cun ung phi ani cu akcang ah ghing khai.

ISAIAH 33:15

Nang cu hman ciah ng’thu ne, düng ciah nabi vang na k’pawih hning ci nei. Dukhaih ci k’titaih nak vai ah nami huham kä nami mang vai, ng’mü khawh kä nami dou vai. Chang ngawn khai ah pawng ci ung phi kä nami ng’gui tu vai.

PHYAWN NAK 22:24

Cun kawn ah m’lungshe ne ng’tuk nak ung ka ning ngawn gui khai. Nami chu gui cu hmeinu ah kyak khai gui, nami hta gui cu ami pa maih khai.

THULÄÄN NAK 23:21

“Bawipa nami Khanpughi awn shaitak nami bi ung, nami shaitak nami bi vai cu kä nami nawng en vai; Bawipa naw nami shaitak awn ning k’pang gui khai, cun kä pan ung katnak ah kyak ci.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

NG'THU K'THUUK~ 10:30

Düng ciah chang gui cu angtäi sei m’lung üp khai gui, Cun ung phi changshe gui cu khaw ung kä k’pawih ba khai gui.

NG'THU K'THUUK~ 15:27

Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.