SAM 15:4 - Cho Bible Common Language 2016

⁴ Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

SAM 15:4 Referans Kwoze

SUKI GUI 11:35

Ani naw cun ah hnumi hta cu hmu neta, thüi ne, a sui k’teek neta a pyen cu, “Oh, ka hta hnumi! Nang naw ka m’lung msin na na nat sak ci nei! Kei ah m’lung na nat sak cicu a i ah kyasei, nang ah a kyak ang? Kei naw Bawipa ung a küi ah thu ka khan pyi ci nei, kei naw kä ka k’pyai ba hlawt khai nei! cik ci.

MATTHE 5:33

‘Cun kawn ah, thukhän shaitaak kä plawh vai, Khanpughi ah ma ah thukhän shaitaak ah mäih ah bilawh vai’ cicu nami hmu ng’ya pyii ci.

SAM 101:6

Khanpughi ah bekhüt ci gui cu kei naw ka dou gui khai, ka mang im ung ka om sak gui khai. Akbe ah düng ciah chang naw kya ah khuut bik khai.

1 JOHAN 3:14

Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.

SAM 101:4

Kei cu kä düng ah kä ka om khai, akshe gui awn kä ka ng’khap phung khai.

SAM 119:63

Kei cu na khuut bik ci avan la na thukhän läk ci avan ah teihpüi ah ka kyak ci.

SAM 16:3

Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.

LAMKTU 28:10

Ngami naw keimi am khawh akda na m’cüm’hnah gui ci gui. Keimi kami hteh law ba vai ung phi kami sho ei vai cu htinpaw khan ah na thak law gui ne nam sho gui ci gui.

ESTA 3:2

Ghangpughang naw a bawi gui avan cu thukbäi gui ne, a bii ami bi nak ung m’kukdong ne kawp ne Haman ami chang m’sui vai ah pyen ah gui ci. Ngami ami van naw acun ah bik ci gui. Cun ung phi Mordekai naw cun ah kä bi tuk ci.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

2 SHONTÄP NAK 36:13

Zedekiah naw Ghangpughang Nebukhadnezzar cu hnungtuk püi ci, ani naw Khanpughi ah ming ung taam ne, a bekhüt vai ah ak ghuih ah pyen nak ci. Cun ung phi ani cu amlung ling ne, kä ng’yu ba ne, Israel Khanpughi Bawipa ah kä ng’hlat law ba ci.