SAM 149:7 - Cho Bible Common Language 2016

⁷ Chang pakhui gui hnim u sä, Chang gui m’kyuk u sä;

SAM 149:7 Referans Kwoze

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

JOSHUA 10:26

Cun kawn ah Joshua naw ghangpughang gui cu ngawn gui ne, sing ghing hma ung tai gui sei, ami pumsa cu mühun güt acun ung om ci.

ESTA 9:16

Khopäng gui ung Jew gui phi ng’bum u ne, ami mät naw ami mät ghung ci gui. Ngami naw ngami gen gui ciah chang phi chihkip lei hma cu ngawn u ne, ami ga cu hnim ci gui. Cun ung phi kä guttep gui ci gui.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

MIKHAH 5:14

Nami khaw ung om ciah khanpughi hnumi Asherah ah gup cu ka yuk chah khai. Nami mang gaw gui phi ka m’di yawp khai.