SAM 149:5 - Cho Bible Common Language 2016

⁵ Khanpughi ah chang gui cu ami näng nak ung yeikyai u sä, mü pum yei ne ng’äi m’cu u sä.

SAM 149:5 Referans Kwoze

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

SAM 145:10

Bawipa, na tüipyan avan naw ning m’tam khai nei, Na chang gui van naw ning yei nak khai gui nei.

SAM 118:15

Khanpughi ah chang gui a phung ah kyong ah, Näng nak awn yei ne m’lau ah k’aw cu ngai vä, “Bawipa ah m’gäi ciah huham naw bi pyi ci nei!

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

SAM 132:16

Kei naw a taigüpa gui cu ami bi nak phung ung hriham ka pe gui khai, a chang gui naw yei ne m’lau ne ng’äi m’cu khai gui.

SAM 92:2

A ngawi tä sei ng’täi ciah na m’hni nak, amü tä sei na bekhüt nak, ng’shäu ne pyen ne,

SAM 23:1

Bawipa cu ka htoshäm ah kyak ci; Kei cu kä ka dukhaih ci.

2 SAMUEL 6:15

Cun kawn ah ani la Israel chang avan naw thukhän m’küm cu yei ne m’lau ne, phyungheng tum ne Jerusalem ah hteh püi ci gui.

DANIEL 7:22

Cun kawn ah angtäi ah ghing ciah tumat cu law ne, khanpughi ah chang gui täng ah m’kum ne ng’thumcha vai ah mawng shäu ci. Khanpughi ah chang gui naw bawimang huham ami dou nak vai ah akhin cu gawk lawk ci nei.