SAM 149:3 - Cho Bible Common Language 2016

³ Ng’laam ne ang ming cu m’tam vä; k’hting la k’bei tum ne Bawipa cu m’tam vä.

SAM 149:3 Referans Kwoze

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

SAM 81:2

Kho k’bei m’shang ne, kho k’htung tum vä; Tingtäng la chingchawng yeikyai ne tum vä.

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

SAM 30:11

Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

2 SAMUEL 6:16

Thukhän M’küm cu mang gaw kyong ah law püi u sei, Michala, Saul ah hta hnumi naw m’kawt ung yuk teng ne, Ghangpughang David cu theing ciah ng’lam ah ng’lam ne yong ne ng’phiui sei hmu neta, ani cu päipih ci.

2 SAMUEL 6:14

David cu linen yih sui ne, ak tha gui avan awn Bawipa cu m’tam ne ng’lam ci.

SUKI GUI 11:34

Jephthah cu Mizpah a im ah law ba khäta, ahtahnumi cu ani hmu lawk khai ah thing tum ne ng’lam ne lawk ci. Ani cu a hta tumat bang ah kyak ci.

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

EZRA 3:10

Chang gui naw Taigüim ah ang nei m’düih vai ami tün law ung taigü gui cu suinu sui nephyungheng khawt u ne, ami ng’düih nak vai ung ng’düi ci gui. Ngami naw David ghangpughang ah khin ung ami dou ah m’shümthein nak gui awn Bawipa cu m’hlüngtai ne m’lau ci gui.

1 SHONTÄP NAK 16:42

Heman la Jeduthun cu ng’äi m’cu ne ami m’hlüngtai yah ung phyungheng la ng’sheei gui la a hei tumkhawn nak gui ung tängpang ci gui ah kyak ci. Jeduthun ah pahta chang gui cu m’kawt ngäng nak ung tänpang ci gui ah kyak ci.

2 SHONTÄP NAK 29:25

Ghangpughang ah prophet Kad la prophet Nathan ungka naw Bawipa naw ghangpughang David am a pek ah m’shümthein nak gui cu ghangpughang naw läk ci. Levit gui cu tingtäng la ng’sheei gui pe gui ne Taigüim ung tha gui ci.

1 SHONTÄP NAK 25:6

A hta pami gui ami van naw ami pa ah m’shümthein ah ka ung Taigüim ung khawihnah nak ung tingtäng ni ng’sheei ni cu tum ci gui. Asaph, Jeduthun la Heman ni cu ghangpughang ah thukbäi ah mäih ah bik ci gui.

2 SHONTÄP NAK 20:28

Ngami cu mang gaw ah ami gawk law ung phyungpuuk la phyungheng gui tum u ne Taigüim ah hteit ci gui.

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

SAM 87:7

Ngami cu ng’lam ne ng’äi u ne, “Zion mang gaw kyong ah mi hriham avan cu ng’yung ci nei” cik ci gui.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.