SAM 149:2 - Cho Bible Common Language 2016

² Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

SAM 149:2 Referans Kwoze

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

LUKA 19:38

Ngami naw, “Khanpughi ah ming awn kyum lawk ciah, Ghangpughang ung Khanpughi ah yeikyai nak om sä. Khankho ung ding gei nak om sä; Khanpughi ah bämang nak cu Khankho ung be sä” cine m’lau ci gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

SAM 47:6

Ng’äi m’cu ne Khanpughi m’taam vä; Ng’äi m’cu ne mi ghangpughang m’taam vä!

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

MATTHE 21:5

“Zion mang gaw-am thu nami m’thein vai cu, ‘Teng tu vä, nami ghangpughang cu nami om nak ah gawk law ci nei! Ani cu hniphnoi ng’awi gi ne, Phuih näng ciah a hta ng’sehta ung cun ci nei,” ciah kya ci.

ISAIAH 43:15

Kei cu Bawipa, thengcim ciah nami khanpughi nei. Kei naw nangmi Israel gui cu ka ning tüisho gui ci, kei cu nami na ghangpughang nei.”

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

ZEPHANIAH 3:14

Zei ne ng’äi vä, Israel chang gui! Na m’lung kyong avan yeikyai ä, Jerusalem!

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.