SAM 149:1 - Cho Bible Common Language 2016

¹ Bawipa cu m’tam vä! Bawipa am ng’äi k’thai m’cu vä; Bekhüt ciah ak chang gui ah ng’cut nak ung, Bawipa cu m’tam vä!

SAM 149:1 Referans Kwoze

SAM 33:3

Ama ah ng’äi thai m’cu vä, Tingtäng akni pi ah tum ne, yei ne m’lau vä.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

HEBRU 2:12

“Kei naw nang ah bi cu ka phäinau gui am kam thein gui khai nei; Kei naw ngami ah ng’bum nak ung Nang cu ka ning m’kümto khai nei,” cine pyein ci.

SAM 148:1

Bawipa cu m’tam nei! A hlüngtai nak pi bäih ah nami om ci gui, khankho ah ka naw Bawipa cu m’tam vä.

SAM 98:1

Bawipa ah ma ah ng’äi thai m’cu vä; Ani naw cäicat vai gui bi pyi ci nei! Amät ah huham la ng’cim ciah thagui awn, ani naw näng nak hmuh pyi ci nei.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

SAM 144:9

O Khanpughi, kei naw ng’äi k’thai ka ning m’cu khai nei; kei naw tingtäng tum ne ng’äi ka ning m’cu khai nei.

SAM 116:18

Na chang gui van ah ng’bum nak ah, Jerusalem kho, theingcim ciah Pum im ung kei naw ka shaitak cu ka ning pek khai nei. Haleluyah.

SAM 68:26

“Chang hli ng’bum ne Khanpughi cu m’taam vä, Jakob ah hta ng’shon avan naw Bawipa cu m’taam vä!”

SAM 22:25

Kei naw chang hli ah ng’lung ah nang cu ning m’taam ne; Ning khawihnah ci gui ah ma ah ka shaitak ah mäih ah ka ning pek khai.

SAM 22:22

Nang ah bi ah mawng cu ka chang gui-am ka m’thein gui khai nei; Ngami ah ng’bum nak ung ka ning m’taam khai nei.

SAM 89:5

Cäicat vai na bi gui ah mawng khankho naw ng’äi m’cu ci; Bawipa, theingcim ci gui naw na bekhüt nak ah mawng ng’äi m’cu ci gui.

SAM 96:1

Bawipa ah ma ah ng’äi thai m’cu vä! Khomdek chang avan naw, Bawipa am ng’äi m’cu vä!

SAM 111:1

Bawipa cu m’taam nei! Ka m’lung avan awn Bawipa cu akchang gui ah ng’bum nak ung ka m’hlüngtai khai.

SAM 35:18

Na chang gui ah ng’bum nak ung ka ning m’hlüngtai khai nei; chang van ah ma ah ka ning m’taam khai nei.