SAM 148:8 - Cho Bible Common Language 2016

⁸ Lailäp la gäi lung, khüi toi la kho ng’mei, puikho khi avan a thumkhän ngai ci gui naw.

SAM 148:8 Referans Kwoze

THU PHLAAN 16:21

Khan ah kaa chuih vawh teih teih lawk ciah khawk’aa ng’ma gui kya lawk ci. Cun ah khawk’aa ung geinvai aih u netah, chang gui naw Khanpughi cu m’shetkat ne ng’thu ci gui.

JONAH 1:4

Cun ung phi Bawipa naw tuinu ah khan ah pui khokhi yuk chah lawk ci. Pui kho ak chün ah khi sei htinpaw ng’gäi ne di law vai ci.

AMOS 7:4

Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

JOEL 2:30

“Kei naw cun ah hnüüp ung khomik la khomdek ung thukbäi cu ka pek khai; si long ne, mei ui ne, khongmei khu khai.

ISAIAH 66:16

Ani naw cheishoh u sei a hmuh ah khomdek khon chang avan cu mei la khim awn m’kyuk gui khai-chang akdaa cu ski khai gui.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

SAM 18:12

Ama ung pyü ciah akdei k’thuuk naw ng’vong ci gui. Gäilung la mei cak cu dang law ne, ng’meile cu shet sak ci.

JOSHUA 10:11

Amorit gui cu Israel gakap gui phlän ne dawng u sei, Azekah ah ami dawng nak ah lam pum ung Bawipa naw gäilung nu gui awn yuk chah shi gui ci. Akda pi cu Israel gui ah ngawn gui ah ta, gäilung ah ngawn gui ah kyak ci.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

TAIGÜTHUM 10:2

Ang ghit ah Bawipa naw mei yuk chah law sei, acun naw Bawipa ah ma ge ung sik khai goi ah k’ui goi ci.

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

PHYAWN NAK 10:19

Bawipa naw a kiang khokhi cu chün ciah khei khokhi ah lat ne, khanpeh gui cu thawk ne yon ne, Suez tui ng’khep ah khüt ne yon gui ci. Egypt khaw ah khanpeh tumat phi kä om ba ci.

PHYAWN NAK 10:13

Cun ah kyasei Moses naw a ng’shopawng shäng khäta, Bawipa naw ami khaw ah khan ah, mü lüng hnüüp lüng ne khaw khi law sak ci. Khaw ngawi ah kya law khäta khanpeh gui yong lawk ci gui.

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

JOB 37:12

Cun cu Khanpughi ah ang yak hlü ah hnün hnawk ci gui. Ngami naw Khanpughi ah thukhän avan khomdek khan avan hmun avan ung bik ci gui.

JONAH 1:5

Htinpaw ung bik ci gui cu cäicat u neta, m’htei gui khai ah ami khanpughi phäh phäh cu khü ci gui. Cun kawn ah htinpaw a yaang vai ah ami phui gui cu ghawt ci gui. Cun sangung Jonah cu ka ah yu kyum neta htinpaw akheng ah ng’yän ne hnai ne ip ci.