SAM 148:4 - Cho Bible Common Language 2016

⁴ A hlüngtai pi bäih khankho, Bawipa cu m’tam vä, khomik ah khan ah tui gui naw phi m’tam vä.

SAM 148:4 Referans Kwoze

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

ATÜNNAK 1:7

Khanpughi naw khomik cu pyang ne, tuinu la khomik ah khan ung tuinu ah kya lawk ci.

THULÄÄN NAK 10:14

Bawipa naw a hlüng pi khan khaw phi khäm ci, khomdek phi ani ah kaa ah kyak ci. Cun ung om ci a päng avan ani ah kaa ah kyak ci.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

2 KORIN 12:2

Yanä khokum gha-lei-phli yah ung khritha tumat cu, ak hlüng pi ah khankhaw ah a yon püi cu kei naw ka hmat ci (Cun cu akcang ah a kyak la muimang ah a kyak ah kei naw kä ka hmat ci, Khanpughi bäng naw vah hmat ci.)

SAM 113:6

Cun ung phi ani naw kawp ne, khan kho la khomdek cu teng ci.

SAM 104:3

Na im cu tui ah khan ah na co ci. Kho ng’mei cu ng’se ah mäih ah mang ne khokhi ah ng’phia ung na ng’cum ci.

SAM 68:33

Ani cu khawmik, cau khomik ung ng’cum ci nei. Ak aw ng’shan sei m’lau ci nei ngai vä.

ATÜNNAK 7:11

Noah cu a khawkum phya chuk abe nak, ak cha goi nak, a hnüüp gha lei chih nak ung m’dek khui tui m’kawt hmawng ne, khankho tui m’kawt hmawng sei, m’liktui phu ne,

ATÜNNAK 1:6

Cun kawn ah Khanpughi naw, “Tuinu ah ng’lung ung khomik dang law sä” ci netah;

2 SHONTÄP NAK 2:5

Kei naw dämduh ciah Taigüim cawh vai ah ka pawng ci, a i ah kyasei ci ung keimi ah Khanpughi cu a hei khanpughi gui ah a dämduh pi ah phäh ah kyak ci.

SAM 69:35

Ani naw Jerusalem cu hun ne, Judah kho gawnu gui phi sa ba khai. A chang gui cu acun ah khaw ung om u ne, cun ah khaw cu khäm khai gui;